Jezqazǵan tarıhı-arheologııalyq mýzeıine - 40 jyl

13.05.2018

4479

Jezqazǵan qalasynda osy ólkedegi tarıhı-arheologııalyq mýzeıiniń 40 jyldyq mereıtoıyna arnalǵan respýblıkalyq "Kókjıegi kemel mýzeıler" festıvaliniń saltanatty ashylýy jáne "Rýhanı jańǵyrý baǵdarlamasyn damytýdaǵy mýzeılerdiń atqaratyn róli" atty respýblıkalyq ǵylymı-tájirıbelik konferenııa ótedi, – dep habarlaıdy Adyrna ulttyq portaly.

Festıval 14 mamyr kúni saǵ.11.00 de Mýzeı alańynda ótse (Alasha han, 22), konferenııa 15 mamyr saǵ.09.30 da (Ǵaryshkerler, 39) bastalady.

Mereıtoı qarsańynda Jezqazǵan mýzeıiniń ótken 40 jyldyq tarıhyn baıandaıtyn oqıǵalar tizbegin usynamyz.

1978 jyl

Qazaq KSR Mınıstrler keńesiniń 10 mamyrdaǵy 198-r ókimi boıynsha JKBK tarıhı-óndiristik mýzeıiniń negizinde oblystyq tarıhı ólketaný mýzeıi ashyldy. 14 maýsymda halyq depýtattary Jezqazǵan oblystyq Keńesi atkomynyń «Oblystyq tarıhı- ólketaný mýzeıin ashý týraly» №280-10 sheshimi shyqty. Alǵashqy dırektory – tanymal ólketanýshy S.T. Búkirov. Mýzeı Sývorov (Gýrba) kóshesi boıyndaǵy 25-úıde ýaqytsha ornalasty.

1979 jyl

Tamyz aıyndaǵy eń alǵashqy ǵylymı ekspedıııa Sútemgen Búkirovtyń jetekshiligimen Tamǵalynuradaǵy tas betindegi jazýlardy zertteýge arnaldy. Ǵylymı ekspedıııa Tamǵalynuradan tamǵa belgileri oıylǵan birneshe tastardy ákeldi.

1980 jyl

5 qańtardaǵy qalatkomynyń №2-1 sheshimimen Kosmonavtar býlvary boıyndaǵy 26-turǵyn úıdiń tómengi qabaty mýzeıge berildi.
M.Sembınniń jetekshiligimen jáne tanymal mádenıettanýshy M.Áýezovtyń qatysýymen Respýblıkalyq eskertkishterdi qorǵaý Ortalyq Qazaqstan ǵylymı ekspedıııasy Joshyhan, Alashahan, Dombaýyl, Erden, Maqat, Janseıit eskertkishteriniń arhıtektýrasyn, Han Ordasy qorǵanynyń qıraǵan ornyn, Jańǵabyl ózeni mańyndaǵy tas músinderdi zertteý jáne olardy pasporttaý isin júrgizdi. Ekspedıııaǵa mýzeı qyzmetkerleri N.Býharova, Sh.Tólegenova qatysty.

1981 jyl

Qazaq KSR ǴA Ortalyq Qazaqstan arheologııalyq ekspedıııasy Jezqazǵan oblysyndaǵy asa iri ári tunǵysh arheologııalyq qazba jumysyn bastady. Ol Aǵadyr aýdanyndaǵy Atasý ózeniniń joǵary tusyndaǵy qola zamanyndaǵy ejelgi ken qazýshylar men metallýrgter qonysynda júrgizildi. Ekspedıııa quramynda mýzeı qyzmetkerleri E.Ýsmanova men Sh.Tólegenova boldy. Sonyń nátıjesinde mýzeı qory qola dáýirdi quıma qaldyǵymen jáne shlaktyń shaǵyn kesekterimen tolyqty.

1982 jyl

Mýzeıdiń tunǵysh ýaqytsha ekspozıııasy ashyldy. Ol 3 bólimnen turdy: tabıǵat, keńestik kezeńge deıingi tarıh jáne keńestik qoǵam tarıhy.Ekspozıııa 1986 jylǵy qańtarǵa deıin turdy.
Mýzeıde «Eh, raskopaem!» atty jas arheologtar úıirmesi ashyldy. №22 orta mektepte ashylǵan oǵan keńestik kezeńge deıingi bólimniń meńgerýshisi E.R.Ýsmanova jetekshilik etti.
1982 men 1985 jyldar aralyǵynda mýzeıdiń alǵashqy arheology Emma Ýsmanovanyń basqarýyndaǵy keńestik kezeńge deıingi tarıh bólimi Ulytaý aýdanynda jeke arheologııalyq zertteýdi júzege asyrdy. Tas ǵasyryndaǵy Sarykeńgir, Qarakeńgir, Batyrbulaq, Samal, qola dáirindegi Úıtas-Aıdos qonystarynda júrgizildi.

1983 jyl

Halyq depýtattary Jezqazǵan qalalyq keńesi atkomynyń 10 qazanyndaǵy №228 sheshimimen oblystyq mýzeıge Lenın dańǵyly, 22 mekenjaıyndaǵy eki qabatty ǵımarat berildi.
Mýzeı arheologtary Emma Ýsmanovanyń jetekshiligimen Dombaýyl eskertkishi mańyndaǵy IH-H ǵ.ǵ. qorǵanyn qazdy, ol jerden qarý-jaraqtarmen (qoramsa, naıza, jebe ushtary) jerlengen jaýyngerdiń súıegi tabylady.
Almaty q. QAZMÝ zoomýzeıinen eksponattar ákelindi. Eń qundysy Qazaqstannyń qyzyl kitabyna engizilgen ádemi tyrnanyń tulyby bolyp tabylady.
Tabıǵat bóliminiń qyzmetkerleri men «Jas ólketanýshy» úıirmesi oqýshylarynyń ekspedıııasy Ulytaý aýdanyna uıymdastyryldy. Ol jerden ekspozıııa ashýǵa arnalǵan bizdiń aımaqtyń janýarlar dúnıesi men ósimdik álemi boıynsha materıaldar jınaldy.

1984 jyl

Emma Ýsmanovanyń jeteksheligimen b.z.d. HIII- HIV ǵ.ǵ. mejelegen Úıtas-Aıdos qonysyna qazba júrgizildi. Neolıt dáýirindegi biregeı jerleý, materıaldyq mádenıettiń 20 buıymy tabyldy. Olardyń ishinde keramıkalyq ydystar men tas eńbek quraldary boldy.

1985 jyl

QazKSR Zoologııa ınstıtýtynyń ǵalymdary bıologııa ǵylymdarynyń kandıdaty B.Baıshashevtyń jetekshiligimen Jáırem k. «Dalnezapadnyı» karerinde paleontologııalyq qazbalar júrgizdi. Ejelgi múıiztumsyqtyń qańqasy tabyldy. Ekspedıııaǵa tabıǵat bóliminiń qyzmetkerleri L.V. Berezıkova, J. Golyh, Sh.Tólegenova, K.Serdalınova qatysty.
Mýzeıge at ábzelderiniń 6 buıymnan turatyn biregeı kollekııasy kelip tústi, sondaı-aq áıelderdiń birqatar áshekeı buıymdarymen tolyqty.

1986 jyl

Tabıǵat bóliminiń zaly bezendirildi jáne ashylý rásimi ótti.

1988 jyl

Jyl sońynda Lenın dańǵyly, 22 mekenjaıyndaǵy ǵımaratty qaıta jańǵyrtý jáne oǵan kúrdeli jóndeý jumysy aıaqtaldy. Qurylys jumystaryn «Kazproektrestavraııa» ınstıtýty jobalyq-smetalyq qujatqa sáıkes júrgizdi. Jobada 5 ga. aýmaqty alarlyq kógaldy alań, ashyq ekspozıııa men demalys oryndaryna arnalǵan alańnyń qurylysy, avtoturaq pen arhıtektýranyń shaǵyn úlgidegi qondyrǵylary kózdelegen edi. I.Ádilbekov jetekshilik etken sýretshiler brıgadasy jumys istedi.
Jeltoqsan aıynda jańa ekspozıııalar salýǵa qatysty kórkem-bezendirý jumystary tolyqtaı aıaqtaldy. Ol Jezqazǵan oblystyq mýzeıiniń taqyryptyq-ekspozıııalyq josparyna sáıkes 1986 jylǵy maýsymda bastaý tapqan edi.
14 jeltoqsanda oblystyq mýzeı alǵashqy kórermenderin qabyldady.

1989 jyl

QazKSR ǴA Almaty ekspedıııa otrıady Shotqara (H-HIII ǵ.ǵ.), Aıaqqamyr, Shaıtantas tóńireginde qazba jumystaryn júrgizdi, oǵan mýzeı qyzmetkerleri Sh.Tólegenova, N.Ábisheva qatysty. Bul ekspedıııa nátıjesinde qor biregeı jádigerler: 2 altyn ilgeshekpen jáne temir pyshaqpen tolyqty. Olar mýzeıdiń bul turǵydaǵy eń alǵashqy taýyp alǵan buıymdary sanalady.

1990 jyl

Gýlag júıesiniń 30-50 jyldardaǵy saıası qýǵyn-súrginderdiń trıhy boıynsha materıaldar jınaqtaý bastaý tapty.
Ulytaý selosy men jezdi poselkisine etnografııalyq ekspedıııa uıymdastyryldy. Onyń nátıjesinde qor etnografııalyq sıpattaǵy qolóneriniń 20 buıymymen, atap aıtqanda, órmek jońǵy, kıiz úı aǵash buıymdaryn jonatyn oraq, torsyq, aıbalta t.b. tolyqty. Mýzeı kollekııasy musylmandardyń qasıetti 3 kitaby – quranmen tolyqty.
Mýzeıde aqyn, «Nevada-Semeı» qozǵalysynyń tóraǵasy Oljas Súleımenov qonaq boldy.

1991 jyl

Bul jyly óńirimizde tuńǵysh ret «Otyrar – Ulytaý» arheologııalyq-etnografııalyq ekspedıııasy qurylyp, ol «Kishi Jibek jolymen» júrip ótti. Ekspedıııaǵa B.Qojahmetov jetekshilik etti. Bul ekspedıııanyń jumysyna mýzeı qyzmetkerleri belsene qatysty.

1992 jyl

QazKSR ǴA jańa jasaqtalǵan Almaty ekspedıııasymen birlesken qazba jumystary IH-HII ǵ.ǵ. qalashyǵy Basqamyr men qola zamanǵy Taldysaı qonysynda bastaý tapty. Jasalǵan shartqa sáıkes ekspedıııa quramyna mýzeı qyzmetkerleri A.Borambaeva men A.Táshimova qatysty. Mýzeı qoryn keramıkalyq, qola buuıymdary, temir keni tárizdi ár túrli 741 kesek bólshek tolyqtyrdy.
Mýzeı qazaqtardyń birinshi Quryltaıyna qatysýshylardy Jezqazǵan jerinde qarsy alýǵa belsene qatysty.

1993 jyl

Arheologııa bólimi quryldy.
Mýzeı «Ejelgi jáne orta ǵasyrdaǵy mádenıettiń ózara yqpalynyń arheologııalyq kýágerleri» degen atpen býklet shyǵardy.
Mýzeıde «Bóbek» qorynyń tóraǵasy Sara Nazarbaeva boldy.

1994 jyl

Qaz KSR ǴA Almaty otrıady Jańaarqa aýdanyndaǵy qola dáýirdegi qonys Qaraaǵashta qazba jumystaryn júrgizdi,onyń quramynda mýzeı qyzmetkerleri A.Borambaeva boldy.

1995 jyl

Mýzeı dırektory B.Qojahmetov Abaıdyń týǵanyna 150 jyl tolýy qurmetine arnalǵan Jezqazǵan – Semeı – Jıdebaı baǵyty boıynsha «Ulylyqqa taǵzym» atty etnografııalyq ekspedıııaǵa qatysty

1996 jyl

Jezqazǵanda alǵash ret QR ǴA arheologııa mýzeıiniń qorynan alynǵan shamamen b.z.d. V-IVǵ.ǵ. eń qundy jádiger «Altyn adamnyń» qatysýymen «Ejelgi dala qupııalary atty» atty arheologııalyq kórmesi uıymdastyryldy.
Kórmege altyn buıymdar, bas kıim jáne qarý-jaraqtar qoıyldy.

1997 jyl

Jezqazǵan oblystyq tarıhı-ólketaný mýzeıi Jezqazǵan tarıhı-arheologııalyq bolyp ataldy.
Ó.Baıqońyrov atyndaǵy Jezqazǵan ýnıversıtetiniń jaralystaný- geografııa fakýltetinde Jezqazǵan tarıhı-arheologııalyq mýzeıiniń fılıaly ashyldy.

1998 jyl

27 qazanda QR Premer-mınıstri N.Balǵynbaevtyń «Altaı – Dýnaı» halyqaralyq arheologııalyq-etnografııalyq ekspedıııasyn ótkizý týraly ókimi shyqty.

1999 jyl

«Altaı – Dýnaı» ekspedıııasy birinshi kezeńin Qazaqstan jáne Reseı boıynda júrip ótti.
Arheolog Z.S.Samashev basshylyǵymen ortaǵasyrlyq Saraıshyq qalashyǵynda arheologııalyq jumystar atqarǵan Batys Qazaqstan arheologııalyq ekspedıııasyna mýzeı qyzmetkeri G.Jolasharova qatysty.

2000 jyl

«Altaı-Dýnaı» ekspedıııasynyń ekinshi kezeń sapary jalǵasty.
Mýzeı Túrkistannyń 1500 jyldyǵynyń merekelik sharalaryna qatysty.

Mýzeı Túrkistannyń 1500 jyldyǵynyń merekelik sharalaryna qatysty.

2001 jyl

«Altaı-Dýnaı» ekspedıııasynyń III kezeńi Karag qalasynda (Vengrııa) aıaqtaldy.
OQAE quramynda Terekti Áýlıe mekeninde mýzeı qyzmetkerleri A.Boranbaeva, G.Jolasharova, B.Qojahmetov jáne G.Ibraeva franýz tehnologııasy boıynsha zertteý jumystaryn júrgizdi.
Arheolog Emma Ýsmanovanyń jetekshiliginde Lısakovsk qalasyna jaqyn mańdaǵy qola dáýirdegi qonysqa arheologııalyq jumys júrgizgen Soltústik Qazaqstan arheologııalyq ekspedıııaǵa mýzeı qyzmetkeri G. Jolasharova qatysty.

2002 jyl

OQAE quramynda Bolonı qalasyndaǵy Azııa jáne Afrıka ıtalıandyq ýnıversıtetiniń ǵalym-arheologtarynyń qatysýymen jalǵasqan Taldysaı salasyna júrgizilgen arheologııalyq qazba jumystaryna mýzeı qyzmetkerleri G.Jolasharova, D. Baıtileý, A.Iskakov qatysty.
Ulytaý aýdanyna jáne Qyzylorda – Túrkistan – Otyrar –Shymkent – Taraz – Balqash baǵyty boıynsha etnografııalyq ekspedıııa uıymdastyryldy.

2004 jyl

Arheolog J.Qumanqulovtyń jetekshiligimen Qyzylorda oblysyndaǵy saq zamanynyń Shirik-Rabat qorǵanynda arheologııalyq jumys júrgizgen Ońtústik Qazaqstan arheologııalyq ekspedıııasynyń quramynda mýzeı qyzmetkeri A.Iskakov qatysty.
Mýzeı qala mádenıetin damytýǵa qosqan zor úlesi úshin qalalyq mádenıet bóliminiń qurmetti «Altyn kitabyna» engizildi.

2006 jyl

Mýzeıdiń 2-qabatynda «Tarıh – bizdiń asyl qazynamyz» atty jańa ekspozıııalyq zal ashyldy.
Mýzeıdiń 2-qabatynda konferen-zal ashyldy.
Memleket tutastyǵy men halyqtar birligi monýmentiniń maketi qoıyldy.
«Ulytaý taýy etegi», «Sarysý ózeni jaǵalaýy» dıoramalaryna dybysty ekskýrsııanyń jańa túri – jandy dybysta baıandaý engizildi.
Abylaıhan, Q.Qasymov,S.Seıfýllın, Iý.Levıtan tárizdi tarıhı tulǵalardyń daýysy berilgen dıoramda mýzykalyq súıemeldeýmen úndestik tapty.
Ekskýrsııa júrgizýshilerdiń eki jyldyq mektebiniń alǵashqy oqýǵa qabyldaýy jarnamalandy.
Tarıhı jáne qasıetti oryndar Alashahan, Joshyhan, Dombaýyl mazarlary, Terekti Áýlıe, Basqamyr, Taldysaı baǵyty boıynsha ekskýrsııalyq baǵyt ázirlendi.
Respýblıkamyzda alǵash ret «Jezqazǵan qajylary» atty kórme ashyldy. Onyń ashylý rásimine Bas múftı Ábsattar qajy Derbisáli qatysty.

2007 jyl

Jezqazǵan tarıhı-arheologııalyq mýzeıi «Arheologııa. Etnografııa. Eskertkishter», «Jezqazǵan tarıhı-arheologııalyq mýzeıi» atpen serııaly kitapshalardy shyǵardy.
Mýzeıde Qazaqstan Respýblıkasyndaǵy Ulybrıtanııa elshisi Pol Brammel boldy.
20 jeltoqsanda Qala kúni qarsańynda «Qalanyń kurmetti azamattary» ekspozıııasy ashyldy.

2008 jyl

Sýretshi-restavrator, Qazaqstan Sýretshiler odaǵynyń múshesi, mádenıet qaıratkeri E.Isataev Kýveıttegi Qazaqstan mádenıetiniń kúnderi aıasynda ashylǵan halyqaralyq qol óneri kórmesine qatysty.
OBSE ókilderi men Qazaqstan Respýblıkasyndaǵy elshileri mýzeıde qonaqta boldy.
Jeńis kúni qarsańynda «Soǵys joldarymen» reekspozıııasy ashyldy.

2009 jyl

Mýzeı qyzmetkerleri UOS ardagerleri týraly «Júrek jarasy», «Aýǵan soǵysynyń tarıhy týraly «Aýǵan oty sharpyǵan» kitaptaryn ázirledi jáne basyp shyǵardy.

2010 jyl

S.Qojamqulov atyndaǵy atyndaǵy Jezqazǵan mýzykalyq drama teatry tarıhynyń zal-mýzeıi ekspozıııalaryn jobalaý jáne bezendirý jumystaryn oryndady. Jumys barysynda 2000-nan astam eksponat jınaqtaldy jáne suryptaldy, tarıhı jáne kórkemdik tuǵyrnamaǵa laıyqty arnaýly mýzeılik jobalar ázirlendi. Ekspozıııalar jasaqtaýdyń bastaý tabýynan aıaqtalýyna deıingi barlyq kezeń barysyn josparlaýdaǵy basty maqsat teatrdyń tutastaı 38 jyl tarıhyn kórsetý boldy.

2011 jyl

OQAE quramynda Nógerbek Darasy (Ulytaý aýdany) qalashyǵyn zertteýge mýzeı qyzmetkeri B.Baltabekov qatysty.
«Abylaı han – qazaq memlekettigi egemendiginiń sımvoly» atpen Abylaı bolǵan jerler boıynsha aımaqtyq tarıhı-etnografııalyq ekspedıııanyń quramynda mýzeı qyzmetkeri S.Rahmetov Qazaqstannyń 4 oblysy men 10 qalasynda boldy. Ekspedıııa barysynda 2000-nan astam fotosýret túsirilip, asa kóp beınematerıaldar ázirlendi.
Jańa mýzeı qurylymdary: mýzeı sheberligi mektebi, sán teatry, «Amanat» mýzeı teatr-stýdııasy, «Aq ájeler» folklorlyq-etnografııalyq ansambli ashyldy.
Mýzeı medınınalyq kolledjdiń 50 jyldyǵy qurmetine arnalǵan «Meırimdilikke baýlyǵan» kitabyn shyǵardy.

2012 jyl

Qalalyq 6 baǵyt: «Jezqazǵan – Qazaqstannyń mys injý-marjany», «Júz ulttyń qalasy», «Úlken Jezqazǵan jáne Sátbaev», «Qazaqstannyń juldyzdy joly», «Sol bir uly jyldarǵa taǵzym etemiz», «Jezqazǵannyń ádebıet bolmysy» ázirlendi.
Brıtan keńesi uıymdastyrǵan « Mýzeılerdi jańǵyrtý» jáne «Qazaqstan mýzeıleri» veb-saıt jobalarynyń ekinshi kezeńi tusaý keserine Qazaqstan Jazýshylar odaǵynyń múshesi, mýzeı dırektory Z.Chýmakova qatysty.
Mýzeı dırektory Z.S.Chýmakova IýNESKO (IKOM) uıymdastyrǵan «Astana – túrik álemi mádenıetiniń astanasy» halyqaralyq forýmyna qatysty.
Qazaqstan Sýretshiler odaǵynyń múshesi, ekspozıııa bóliminiń sýretshi-restavratory E.Isataev Oman Respýblıkasynda ótken «Maskat» qol óner sheberleriniń jyl saıynǵy halyqaralyq festıvaline qatysty.
Mýzeıdiń veb-saıty ashyldy.

2013 jyl

30 shildede mýzeıdiń 35 jyldyq mereıtoıy aıasynda «Mýzeı: Qazaqstannyń ulttyq tarıhyn zerdeleýdegi jańa ádister» atty ǵylymı-tájirıbelik konferenııa ótti.
QR Dızaınerler odaǵy múshesi, jezqazǵandyq V. Hlebov jasaǵan «Saqtar qazynasy» atty ekspozıııalyq keshende VII-VIII ǵ.ǵ. Qazaqstan jerinde tabylǵan saq-skıf ańdar stılinde jasalǵan altyn áshekeılerdiń 8 kóshirmesi mýzeı foıesinen oryn aldy.
Qazaqstan sportynyń maqtanyshy, qazaqtan shyqqan alǵashqy olımpıada chempıony, KSRO-nyń eki dúrkin chempıony Jaqsylyq Úshkempirovpen mýzeıde kezdesý ótti.
Qyzmetkerlerdiń kásiptik deńgeıin joǵarylatý jáne ekskýrsııa júrgizý ádisin jete meńgerý maqsatynda 2 jyldyq «Mýzeılik sheberlikke baýlý mektebi» óz jumysyn jalǵastyrdy.

2014 jyl

27 qańtar-27 aqpan aralyǵynda mýzeı Jezqazǵan qalasynyń 60 jyldyq mereıtoıy aıasynda qalanyń orta jáne arnaıy oqý oryndarynyń oqýshylaryna arnalǵan «Jezqazǵan – meniń taǵdyrym» atty kórme uıymdastyrdy.
Sáýir aıynda mýzeı Kedendik odaq pen TMD músheleri – Reseı Federaııasy, Ýkraına, Qazaqstan Respýblıkasy, Belarýs Respýblıkasy jáne Ázirbaıjan Respýblıkalaryn qamtyǵan jalpymemlekettik ulttyq reıtıng-baǵdarlamasy boıynsha Altyn medalmen jáne «Sala kóshbasshysy – 2014» ulttyq sertıfıkatymen marapattaldy.
QR Ulttyq mýzeıiniń ashylýy men «Mádenı mura» Memlekettik baǵdarlamasynyń 10-jyldyǵyna arnalǵan QR Ulttyq mýzeıiniń «Ulttyq mura» atty birinshi avtosherý múshelerin qarsy alý is-sharasy aıasynda «Muraty bıik mýzeı» atty kórme uıymdastyryldy.
«Taý tulǵaly tarlan». Mýzeı Jezqazǵan qalasynyń, Ulytaý jáne Aqtoǵaı aýdandarynyń Qurmetti azamaty, UOS ardageri Q.Mákenbaevqa arnalǵan memorıaldy taqtany 11 jyl dırektory bolǵan mýzeıdiń kórme zalynyń qabyrǵasyna ornatý is-sharasyn uıymdastyrdy.

2015 jyl

7 tamyzda Qazaq handyǵynyń 550 jyl mereıtoıy aıasynda Jezqazǵan tarıhı-arheologııalyq mýzeıinde Qazaq handyǵy ekspozıııasynyń jáne «Bulanty shaıqasy» dıoramasynyń ashylýy ótti.
Jezqazǵan qalasynyń ákimi B.Ahmetov 6 aı ǵaryshta bolǵan Jezqazǵan qalasynyń gerbisi belgilengen bannerdi mýzeı qoryna tapsyrdy.
Mýzeıdiń qor bólimine «VPK NPO mashınostroenııa» AQ Jezqazǵan qalalyq ókildiginiń basshysy S.Shııanov quramynda Sergeı Volkov, Aıdyn Aıymbetov, Andreas Mogensen bolǵan «Soıýz TMA-18 M» ǵaryshtyq kemesi lıýginiń fragmentin tabys etti.
Uly Jeńistiń 70-jyldyǵy aıasynda mýzeı qoryndaǵy Jezqazǵan óńiriniń UOS 32 qatysýshylarynyń 300-ge jýyq qundy ári sırek kezdesetin qujattary men fotosýretteri qoıylǵan kórme ótti.

2016 jyl

14 qazanda Jezqazǵan tarıhı-arheologııalyq mýzeıiniń kórme zalynda «Jezqazǵan – ǵarysh aılaǵy» atty Qazaqstan Respýblıkasy Táýelsizdigine 25 jyl, qazaqtyń tuńǵysh ǵaryshkeri T.Áýbákirovtiń ǵaryshqa ushqan saparyna 25 jyl tolýy jáne Iý.Gagarınnyń ǵaryshqa saparyna 55 jyl tolýy aıasynda uıymdastyrylǵan turaqty ekspozıııa kórsetilgen ǵarysh tarıhyna arnalǵan zaldyń ashylýy ótti.
9 jeltoqsanda Jezqazǵan tarıhı-arheologııalyq mýzeıiniń kórme zalynda Qazaqstan Respýblıkasy Táýelsizdigine 25 jyl tolýyna oraı shyǵýyna mýzeı muryndyq bolǵan «Kópultty Jezqazǵan: 25 jetistik tarıhy» atty kitabynyń tusaýkeseri ótti.
Etnograf, jazýshy, mádenıettanýshy, qoǵam qaıratkeri, aty ańyzǵa aınalǵan Baýyrjan Momyshulynyń kelini – Zeınep Ahmetovamen kezdesý ótti.
Ulttyq mýzeı eldiń barlyq aımaqtaryndaǵy mýzeılerdiń bedelin kóterý jáne shyǵarmashylyq pen ınnovaııalyq bastamalaryn qoldaý maqsatynda QR Táýelsizdiginiń 25 jyldyq mereıtoıy aıasynda Qazaqstanda alǵash ret mýzeıler arasynda «Eń úzdik mýzeı» atty respýblıkalyq baıqaýdy ótkizdi. Osy baıqaýda «Úzdik memlekettik mýzeı (aýdandyq (qalalyq) dárejedegi)» nomınaııasyn Jezqazǵan tarıhı-arheologııalyq mýzeıi jeńip aldy.

2017 jyl

17 naýryzda Ulystyń Uly kúni – Naýryz merekesi qarsańynda Jezqazǵan tarıhı-arheologııalyq mýzeıinde memlekettik deńgeıde bastalǵan #Jaqsylyq Jasa atty halyqtyq jobasynyń aıasynda «Tusaýkeser» atty mýzeılik is-shara ótti. Jobada Jezqazǵan qalasynyń «Balalar úıinde» tárbıelenip jatqan kishkentaı bóbekterdiń tusaýy kesildi.
16 mamyrda Jezqazǵan tarıhı-arheologııalyq mýzeıiniń kórme zalynda HHVII «Ulytaý úni» aımaqtyq festıvaliniń aıasynda «El nazary EKSPO-da» atty EKSPO-2017 halyqaralyq kórmesine arnalǵan qolóner sheberleriniń qalalyq konkýrs-kórmesi ótti.
17 mamyrda Jezqazǵan tarıhı-arheologııalyq mýzeıinde 18 mamyr – Halyqaralyq mýzeıler merekesi qarsańynda mýzeı qoryn qundy ári sırek kezdesetin jádigerlermen tolyqtyrý maqsatynda uıymdastyrylǵan «Tarıhta óz atyńdy qaldyr» atty akııasy ótti.
10 qarashada Jezqazǵan tarıhı-arheologııalyq mýzeıinde «Mýzeılik kezdesýler: Altyn qor» jobasy aıasynda Qazaq KSR jáne KSRO Halyq artısi Asanáli Áshimovpen kezdesý ótti.
14 jeltoqsanda Jezqazǵan tarıhı-arheologııalyq mýzeıinde Memleket basshysy N.Á.Nazarbaevtyń «Bolashaqqa baǵdar: Rýhanı jańǵyrý» baǵdarlamalyq maqalasy aıasynda, QR Táýelsizdik kúni merekesine oraı «Azat rýhtyń jarshysy – Ketbuqa» atty ekspozıııasynyń ashylý saltanaty ótti.
Astana qalasynda ótken Halyqaralyq «EKSPO-2017» kórmesinde Qaraǵandy oblysynyń quramynda belsendilik tanytqany úshin mýzeı ujymy oblys ákimi E.Qoshanovtyń Alǵys hatymen marapattaldy.

2018 jyl

15 aqpanda Jezqazǵan tarıhı-arheologııalyq mýzeıinde «Mýzeılik kezdesýler: Altyn qor» jobasy aıasynda aqyn, Qazaqstan Jazýshylar odaǵy basqarmasy tóraǵasynyń birinshi orynbasary, Qurmet ordeniniń, Reseı Halyqaralyq Jazýshylar uıymynyń S.Esenın atyndaǵy Altyn medaliniń, «Eren eńbegi úshin», «Táýelsizdikke 10 jyl» medaldarynyń ıegeri, Halyqaralyq «Alash» ádebı syılyǵynyń laýreaty Ǵalym Jaılybaımen «Arqanyń arda týǵan azamaty» atty kezdesý ótti.
23 aqpanda Jezqazǵan tarıhı-arheologııalyq mýzeıiniń kórme zalynda Astana qalasynyń 20 jyldyq mereıtoıyna arnalǵan, «Bolashaqqa baǵdar: Rýhanı jańǵyrý» baǵdarlamalyq maqalasy men HHVIII aımaqtyq «Ulytaý úni» festıvaliniń aıasynda «Arý qalam – Astanam» atty qolóner sheberleriniń qalalyq konkýrs-kórmesi ótti.
Mamyr aıynda Jezqazǵan tarıhı-arheologııalyq mýzeıi 40 jyldyq mereıtoıy aıasynda mýzeı tarıhynda tuńǵysh ret respýblıkalyq «Kókjıegi kemel mýzeıler» mýzeıler festıvalin, «Tarıhta óz atyńdy qaldyr» akııasyn, «Rýhanı jańǵyrý» baǵdarlamasyn iske asyrýdaǵy mýzeılerdiń atqaratyn róli» respýblıkalyq ǵylymı-tájirıbelik konferenııasyn, «Sheberler mekeni» kórme-jármeńkesin ótkizdi.

"Adyrna" ulttyq portaly