Tórt qabatty mektepten órt shyǵyp, muǵalim zardap shekti

2854
Adyrna.kz Telegram

Tórt qabatty № 28 jalpy orta bilim berý mektebinde órt shyǵyp, muǵalim zardap shekti, dep habarlaıdy “Adyrna” ulttyq portaly.

Oblystyq TJD bastyǵynyń orynbasary Qaırat Shaımardanovtyń aıtýynsha, qazirgi ýaqytta shatyr janyp jatyr. Tilsiz jaýdyń neden shyqqany jáne keltirilgen shyǵyn kólemi anyqtalýda.

- Tekserýden keıin nátıjesin jarııalaımyz. Aldyn ala boljam boıynsha, 1200 sharshy metr  aýmaq otqa oranǵan. Jalyn  qatty taralyp, qalyń tútin basqan. Órtti kesh anyqtaǵan. Osyǵan baılanysty órt sóndirý boıynsha jaǵdaı kúrdelene tústi. Barlyq kúshter men quraldar, dabyl boıynsha jeke quram  jumyldyryldy. Shaǵyn órtti ózdiginen sóndirýge tyrysqan bolý  kerek, - dedi Qaırat Shaımardanov.

Oqıǵa ornyna barǵan aımaq basshysy Ábilqaıyr Sqaqov búgin tótenshe jaǵdaı jónindegi jedel shtabtyń otyrysyn ótkizetinin aıtty.

“Adyrna” ulttyq portaly

Pikirler