Shymkentte elimizdegi eń iri gaz taratý stanııasy iske qosyldy

2606

Búgin Shymkentte №3 avtomattandyrylǵan gaz taratý stanııasy iske qosyldy. Bul – Qazaqstandaǵy eń úlken gaz taratý stanııasy. Onyń qýattylyǵy saǵatyna 250 myń tekshe metrdi quraıdy.

AGRS-ti iske qosýǵa arnalǵan saltanatty rásimge Shymkent qalasynyń ákimi Murat Áıtenov pen «QazaqGaz» ulttyq kompanııasy» akıonerlik qoǵamynyń basqarma tóraǵasy Sanjar Jarkeshov qatysty.

– Shymkent qalasy qazirdiń ózinde saǵatyna 250 myń tekshe metr tabıǵı gaz paıdalanady. Buǵan deıin jumys istep turǵan eki AGRS-tiń jıyntyq qýaty saǵatyna 180 myń tekshe metrdi quraıdy. Osyǵan baılanysty qalada gazdyń qysymy tómendep, tapshylyq baıqalǵan bolatyn. Al, №3 avtomattandyrylǵan gaz taratý stanııasynyń iske qosylýynyń arqasynda osy problema tolyǵymen sheshildi. Endi qaladaǵy jańadan ishki júıeleri júrgizilgen barlyq shaǵyn aýdandarǵa gaz berýge múmkindik týyndap otyr. Bul – turǵyndardyń turmysyn jaqsartý jolyndaǵy mańyzdy qadam, – dedi M.Áıtenov.

Aıta keteıik, nysannyń qurylysy 2019 jyly bastalyp, 2021 jyldyń sońynda aıaqtaldy.

– Memleket basshysy Qasym-Jomart Toqaev halyqtyń barynsha kóp bóligin tabıǵı gazben qamtýdy bizdiń aldymyzǵa basty mindet etip qoıyp otyr. Osyǵan baılanysty gaz tasymaldaý ınfraqurylymyn damytý baǵytynda aýqymdy jumys atqaryp jatyrmyz. Búgin Shymkentte iske qosylyp otyrǵan jańa stanııa sonyń jarqyn kórinisi, – dedi S.Jarkeshov.

Mamandar aıtýynsha, №3 AGRS-tiń qosylýynyń nátıjesinde Shymkent qalasynda aldaǵy birneshe jyl boıyna gaz tapshylyǵy týyndamaıdy.

Pikirler
Redakııa tańdaýy