Almaty oblysynyń túlekteri úshin týrızm mamandyǵyna 75 grant bólindi

1864
Adyrna.kz Telegram

Óńir áleýetiniń órkendeýine yqpal etetin salanyń biri -týrızm. Ishki týrızimi qaryshtap damyǵan eldiń ekonomıkalyq turǵydan eńsesi bıik bolary sózsiz. Kórkem tabıǵatymen erekshelenetin Almaty oblysynda dál osy baǵyttaǵy jumystardyń alǵa basýyna den qoıylǵan. Taýy men tasy, syńǵyrlap aqqan bulaǵy, sarqyramasy, qumy men shóleıti Jetisýda ishki týrızmdi damytýǵa múmkindik bereri anyq, biraq, kelýshige sapaly qyzmet kórseter mamannyń azdyǵy atalmysh saladan keler paıdanyń arnasyn taryltyp turǵany jasyryn emes. Bul máseleni, Almaty oblysy týrızm basqarmasynyń basshysy Janar Alchımbaeva «Jetisy Media» alańynda aıtty.

Pandemııaǵa deıin Almaty oblysyna 1.100 mln. týrıst saıahattap kelgen, ótken jyly bul kórsetkish 2 mln. 200 adamnan asyp jyǵylǵan bolatyn. Aǵymdaǵy jyly da kelýshi adamdar sany kóbeımese azaımaq emes dep josparlanyp otyr. Óńirge aǵylatyn saıahatshylardyń sanyn artyrý maqsatynda birshama ınvestıııalyq jobalar iske asyrylýda. Osynyń aıasynda Balqash kóli jaǵalaýy, Ulttyq tabıǵı parkter aýmaǵyndaǵy nysandarmen qatar, aımaqtaǵy taý klassterlerin damytý jolǵa qoıylǵan.

Bir ǵana Balqash kóliniń jaǵalaýyndaǵy sý jáne káriz júıesin jasap shyǵýǵa 5 mlrd. teńge qarjy qajet ekenin eskersek, bastapqy kezeńde bul baǵyttaǵy jumystardy júzege asyrýǵa 40 mlrd.teńgeden astam qarjy kerek. Basqarma basshysnyń aıtýynsha, aldaǵy tańda jospardy oryndaý úshin respýblıkalyq bıýdjetke suranys jiberilmek.

Kórse kóz taratatyn nysandar kelýshiniń kóńilin aýlary anyq, alaıda kórsetiletin qyzmet sapasy men bilikti maman bolmasa, týrısterdi elitý ońaıǵa túspesi anyq.

«Oblystaǵy týrızmniń qyzmet kórsetý salasynda mamandar tapshylyǵy qatty baıqalady. Bizde nusqaýshylar, ekskýrsııa júrgizýshi, gıdterge qonaq úı jáne tamaqtaný salasyndaǵy qyzmetkerlerge suranys kóp»,-dep atam ótti Almaty oblysy týrızm basqarmasynyń basshysy Janar Alchımbaeva.

Óńirdegi ózekti máseleniń sheshimide joq emes. Elimizde týrızm salasynda eńbek etetin kásibı mamandy daıarlaıtyn «Halyqaralyq Týrızm jáne meımandostyq ýnıversıteti» sapaly bilim alý jáne qyzmet kórsetý úshin JOO qabyrǵasynda oqýdy usynady. Ýnıversıtette praktıkalyq oqytý 60% - ǵa basym, sondaı-aq oqý ozattary shetelde: Ispanııada, Shveıarııada, Túrkııada, Reseıde, Avstrııada jáne t.b. elderde taǵylymdamadan óte alady.

«Bizdiń negizgi maqsatymyz - Grekııa nemese Ispanııa sııaqty ekonomıkaǵa qol jetkizý, onda týrızm JIÓ - niń 14% – yn quraıdy», - dedi «Halyqaralyq týrızm jáne meımandostyq ýnıversıteti» KEAQ Basqarma Tóraıymy-rektory Maınura Myrzamadıeva.

Aıta keteıik, búgingi kúni týrızm salasynda bilim alǵysy keletin jastar úshin arnaıy 800 grant bólinip otyr. Olardyń 75-i Almaty oblysyna tıesili

Pikirler