Şymkentte pandemiia kezınde jūmys ıstegen medisina qyzmetkerlerıne tiıstı üstemaqy älı tölenbegen, dep habarlady "Adyrna” ūlttyq portaly “Astana” telearnasyna sıltep.
Jekemenşık klinikadaǧy 70-ten astam adam qauıptı virus örşıgen kezde aldyŋǧy şepte bolǧandaryn däleldei almai jür.
Indet küşeiıp tūrǧan kezde jūmys ıstegen jetpısten astam medisina mamany şydamdarynyŋ tausylǧanyn aitady. Byltyr jazda 1,5 ai qauıptı dertpen küressek te, üstemeaqy tügılı jalaqy almadyq deidı.
"Būiryq boiynşa basynda 850 myŋ üstemaqy tölenedı dep aitylǧan. Söittı de 10-15 künen keiın ol 420 myŋǧa tüstı dedı. Meilı, halyq üşın dep oǧanda köndık. Bızde taza ailyq 90-100 myŋnyŋ arasynda bolady dedı. Ony da meilı dedık. 1,5 ai jūmys jasaǧannan keiın būiryqpen bızdı jūmystan şyǧaryp jıberdı. On künnıŋ ışınde sızderge ailyqtaryŋyzdy beremız dep uäde berdı. Bız on kün emes bır ai küttık. Sodan berı jarty jyl öttı", - deidı medbike Ūlzada Jūmanova.Megapolistıŋ bas därıgerı klinikaǧa, klinikadaǧylar basqarmaǧa sıltep, ortada dop bop jürmız, deidı jinalǧandar. Aitularynşa, byltyr jeke klinika endı aşylyp jatqanda bilıktegıler 100 tösek oryndyq infeksiialyq stasionar retınde jūmys ısteuge köndırgen körınedı. Tıptı ol kezde lisenziia alyp ülgermegenımızge de qaraǧan joq deidı .
"Pozilov myrza 23-şılde künı būiryq şyǧarady, ol jerde jūmysqa qabyldansyn, jūmysşylar jasasyn jūmys. Būiryqty şyǧarmastan būryn bırınşı qalanyŋ bırınşı äkım orynbasary Mūqan myrza men Pozylov myrza ekeuı kep sol mekemenı körıp, jūmysqa jaraidy eken, jaqsy mekeme eken dep "jūmysqa kırıse berıŋder, arǧy jaǧyn sender eş uaiymdamaŋdar" dep auyzşa uädelerın berıp ketken bolatyn", - deidı medisinalyq mekemenıŋ zaŋdy ökılı Erbolat Myrzaqūlov.Alaida sol uäde söz küiınde qaldy deidı qazır jūmyssyz jürgender. Klinika qordalanǧan qaryzdaryna bailanysty jabylǧan. Öitkenı tösek oryn, därı-därmek, qūral saimannyŋ bärın sözge senıp, özderı qaryzǧa alypty. Esepterınşe, mekemenıŋ 118 mln teŋge bereşegı bar.
"Būiryqqa säikes jūmys jasaǧandyqtan töleu mäselesın sūraǧan kezde "Sızderdıŋ lisenziia joqtyǧyn, jyldyq josparda sızder bolmaǧansyzdar" degen uäjben qazır bas tartyp otyr. Būl boiynşa prokuraturaǧa aryzdandyq, äkımşılıkke aryzdandyq", - deidı ökıl.Al megapolistıŋ bas därıgerı sol kezde qiyn qystau zaman boldy. Olardyŋ jūmys ıstegenın eşkım joqqa şyǧaryp tūrǧan joq, bärın retteimın dep otyr.
"Bızdı de tüsınıŋızder, bızde erıkkennen aşqan joqpyz ǧoi. Nauqastardy emdeu üşın, ömırın alyp qalu üşın ıstedık. Eger men sony aşpaityn bolsam mende nauqastar öledı, osy uaqytqa deiın şyryldap jürgenın men ony moiyndaimyn. Eşkım eşkımnen qaşyp jürgen joq", - deidı Şymkent densaulyq saqtau basqarmasynyŋ basşysy Baqytjan Pozilov.Bas därıger sot arqyly bärı däleldenedı deidı. Istelgen jūmysty eşkım joqqa şyǧara almaitynyn aitty. Aituynşa, advokatty da özı jaldamaq. Istı soŋyna deiın jetkızu üşın tıptı är sot otyrysyna qatysuǧa da uäde berdı.
“Adyrna” ūlttyq portaly
Ūqsas jaŋalyqtar
