Şymkent qalasynyŋ äkımı Mūrat Äitenovtıŋ eseptı kezdesuı Abai audanyna qarasty 8 eldı meken tūrǧyndarymen öttı. Jiynǧa Qazyǧūrt, Arǧymaq, Karl Marks, Qūrsai, Aiköl, Aqjar jäne Aqtas-1,2 şaǧyn audandarynan kelgen 250-den asa tūrǧyn qatysty.
Jiynnyŋ barysy qala äkımdıgınıŋ äleumettık jelıdegı resmi paraqşasy arqyly tıkelei efir jürgızıldı. Basqosuda Bahadyr Narymbetov jürgızıp otyrdy. Sonymen qatar, qala mäslihatynyŋ deputattary, qoǧamdyq keŋes müşelerı jäne BAQ ökılderı qatysty
Qala äkımı ötken jyly äleumettık-ekonomikalyq damuy, eldı mekenderdı abattandyru jäne infraqūrylym tartu boiynşa atqarylǧan jūmystardy baiandap, 2022 jylǧa arnalǧan josparlardy aityp öttı.
Audanda 34 eldı meken bar, ondaǧy eŋ özektı mäselenıŋ bırı – infraqūrylym. 2021 jyly 8 eldı meken auyz sumen qamtylǧan. Biyl Qūrsaidyŋ jaŋaqūrylys aumaǧy men Arǧymaq şaǧyn audanyna su berıledı. 2022 jyly Arǧymaq, Aqjar, Aqtas-1,2 şaǧyn audandary gazben qamtylsa, Qūrsaidyŋ jaŋa qūrylysyna 2023 jyly tabiǧi gaz jüiesı tartylady.Jyl basynan berı audan tūrǧyndary tarapynan 374 mäsele köterılgen. Bügınde onyŋ 78-ı şeşılgen, 249 mäsele jyl soŋyna deiın, 47-sı 2025 jylǧa deiın şeşımın tabady. Kezdesu sūraq-jauap jäne pıkır almasu formatyna jalǧasty. Tūrǧyndar infraqūrylym, jol, qoǧamdyq kölık jäne qoǧamdyq qauıpsızdık jönındegı pıkırın ortaǧa salyp, şeşılu joly talqylandy.
