Endi Reseıde tirkelgen kólikter Polshaǵa kire almaıdy, dep habarlaıdy "Adyrna".
Buǵan deıin mundaı tyıymdy Germanııa, Baltyq jáne Fınlıandııa elderi qabyldaǵan bolatyn. Búgin, 17 qyrkúıekten bastap Polsha da Reseıde tirkelgen jeńil avtomobılderge óz eliniń aýmaǵyna kirýge tyıym saldy.
Bul týraly eldiń Ishki ister mınıstri Marıýsh Kamınskıı málimdedi.
Polsha IIM basshysynyń aıtýynsha, tyıym Reseı Federaııasynyń azamaty nemese basqa memlekettiń ıesi bolǵanyna qaramastan, Reseılik nómirdegi barlyq kommerııalyq jáne jeke kólikterge qoldanylady.
"8 qyrkúıekte Eýropalyq komıssııanyń Reseıde tirkelgen avtomobılderdiń EO aýmaǵyna kirýine tyıym salýǵa qatysty usynystarynyń jarııalanýyna baılanysty, polıak shekarasyndaǵy bul tyıym tún ortasynda kúshine enedi", — dedi Kamınskıı Rıa Jańalyqtary basylymyna.
Kamınskıı atap ótkendeı, jańa shekteýler Ýkraınadaǵy áskerı áreketterge baılanysty Reseıge qarsy sankııalardyń taǵy bir elementi bolyp tabylady.
"Reseı búginde ulttyq qaýipsizdikke qaýip tóndirýde", — dedi Polsha IIM basshysy.
Aıta keteıik, Polsha Eýropa odaǵynyń óz elderine Reseıde tirkelgen avtokólikterge kirýge tyıym salǵan altynshy eli boldy.
