Shymkentte qalalyq máslıhattyń kezekten tys sessııasy ótti. Sessııa barysynda depýtat Nurǵazy Buharbaev qalanyń mańyzdy jáne basty kóshelerine qazaqtyń uly handary men tarıhı tulǵalarynyń esimin berýdi usyndy, dep habarlaıdy “Adyrna” ulttyq portaly.
Depýtat J.Adyrbekova, Q.Tólemetova syndy kóshelerdiń atyn ózgertýdi usyndy.
Onyń aıtýynsha, Arǵynbekov kóshesine Abylaı han, Domalaq ana nemese Qoja Ahmet Iassaýı esimderin berý ábden qısyndy bolar edi.
Buǵan deıin máslıhat sessııasynda depýtat Nurǵazy Buharbaev túngi ýaqytta jyldamdyqty azaıtýdy usynǵan bolatyn. Bul suraq qazir zerttelýde.
Aqparat úshin, ońtústik megapolıste 2 myńǵa jýyq kóshe bar. Uzyndyǵy jóninen Qazaqstan qalalary arasynda rekordty bizdiń kósheler ustaıdy. Kóshelerdiń jalpy uzyndyǵy 2100 shaqyrymnan asady.
”Adyrna” ulttyq portaly
