Nur-Sultanda alqabıler soty tapsyryspen adam óltirý isi boıynsha Ulttyq qaýipsizdik komıtetiniń (UQK) burynǵy maıory Aıdyn Alpysbaevty kinásiz dep tapty. Alpysbaev segiz jylyn temir tordyń arjaǵynda ótkizdi, dep habarlaıdy “Adyrna” ulttyq portaly.
Alqabıler sot Aıdyn Alpysbaev, Sergeı Logvınenko jáne Murat Hasenovke qatysty úkim shyǵardy.
"Alqabıler alqasy men sottyń shyǵarǵan úkimimen Alpysbaev, Hasenov pen Logvınenkonyń isi qylmystyq oqıǵalardyń bolmaýyna baılanysty aqtalýǵa jatady", – dedi sýdıa Tamara Korolevskaıa.
Sot proesi Nur-Sultan qalasynyń qylmystyq ister jónindegi mamandandyrylǵan aýdanaralyq sotynda sýdıa Tamara Korolevskaıanyń tóraǵalyǵymen ótti. Qylmystyq is materıaldaryna sáıkes, Aıdyn Alpysbaev, Murat Hasenov jáne Sergeı Logvınenko aldyn ala sóz baılasý barysynda kásipker Igor Kýdındi óltirmek bolǵan, alaıda oılary sátsizdikke ushyraǵannan keıin olar ekinshi áreketke daıyndalyp jatqan.
UQK-niń burynǵy maıory Aıdyn Alpysbaevtyń isi 2014 jyly bastalǵan. Kásipker Igor Kýdın belgisiz bireýlerdiń ómirine qastandyq jasamaq bolǵany týraly aryzben quqyq qorǵaý organdaryna júginedi. Al bir beınejazbanyń jáne krımınaldyq polıııa basqarmasynyń "K" bóliminiń bastyǵy Ersen Óteǵalıevtiń orasan jumysynyń arqasynda quqyq qorǵaý organdary qastandyq áreketke qatysýshylardy anyqtaı aldy.
Qorǵaýshy tarap, sondaı-aq sottalýshylardyń ózderi de is tergelip jatqanda túrli zań buzýshylyqtarǵa birneshe ret nazar aýdarǵan. Osy kezde kún men ýaqyt datalarynyń sáıkes kelmeıtinin ańǵarǵan. Kóptegen qujattarda oryndaýshynyń ózi, kúni, qoly joq.
Sotta aıyptalýshylar qysym týraly da aıtyp, birinshi aıǵaqtardan bas tartty, onda Alpysbaev Hasenovten kásipkerdi óltirýdi uıymdastyrýdy suraǵany aıtylǵan edi. Hasenov óz kezeginde kúıeý balasy Sergeı Logvınenkony óltirýshi retinde jaldaǵan. Olardyń maqsaty aqsha alý jáne kásipkerdiń bıznesin tartyp alý múmkindigi boldy. Prokýrorlar qandaı da bir qysym kórsetý faktisin joqqa shyǵaratyn qolda bar saraptamaǵa súıenip, mundaı málimdemelermen kelispegen.
Aıdyn Alpysbaev 2014 jyldan beri óziniń kinásizdigin aıtyp, ony jan-jaqty dáleldeýge tyrysyp keledi. Alpysbaevtyń ótinishi boıynsha sot alqabılerdiń qatysýymen ótti. Sottalýshy ustalǵan sátten bastap aıǵaq berýden bas tartyp, osyǵan baılanysty psıhologııalyq qysymǵa da ushyraǵan. 2016 jyly sot Sáken Súleımenovtiń isiniń tergeýshisin Alpysbaevty azaptaǵany úshin 3 jylǵa bas bostandyǵynan aıyrdy.
Azaptaý janjalynan bólek, bul is ózge oqıǵalarmen de este qaldy. Qazirgi ótken sot otyrysynda úshinshi alqabıler alqasy otyrdy. Birinshi quramda tóraǵalyq etýshi sýdıa Qaıyrov tarapynan qysym bolǵany, onyń aıypty úkimdi shyǵarýǵa májbúrlegeni aıtylǵan. Keıin Joǵarǵy sot úkimdi joıyp, isti qaıta qaraýǵa jiberdi. Tamara Korolevskaıa keńesý bólmesiniń qupııasyn ashamyz degen jeleýmen ekinshi qazylar alqasyn taratyp jiberdi. Endi qazirgi quram Aıdyn Alpysbaev, Sergeı Logvınenko jáne Murat Hasenovtiń kinásiz ekenin eskerip, óz úkimin shyǵardy.
”Adyrna” ulttyq portaly
