Eks-Bilim jáne ǵylym mınıstri Shámshá Berkimbaeva ómirden ozdy. Bul týraly QR Bilim jáne ǵylym mınıstri Ashat Aımaǵambetov Facebook paraqshasyna jarııalady, dep habarlaıdy “Adyrna” ulttyq portaly.
«Búgin eks-Bilim jáne ǵylym mınıstri Berkimbaeva Shámshá Kópbaıqyzynyń qaıtys bolǵany týraly habardy úlken ókinishpen qabyldadym», - dep jazdy Aımaǵambetov.
Shámshá Berkimbaeva eńbek jolyn aýyl muǵalimi bolyp bastaǵan. Osy jyldar ishinde mektep dırektory, Almaty oblystyq partııa komıtetiniń hatshysy, bilim mınıstriniń orynbasary, Qazaqstannyń Qyrǵyzstandaǵy elshiliginiń birinshi hatshysy, Almaty oblysy bilim basqarmasynyń bastyǵy qyzmetterin atqardy. Sondaı-aq, Qazaqstan Parlamenti Senatynyń depýtaty, uzaq jyldar boıy JenPÝ rektory boldy.
«Pedagogıka ǵylymdarynyń kandıdaty, doent, akademık Shámshá Kópbaıqyzy elimizdegi bilim men ǵylymnyń damýyna zor úles qosty.Shámshá Kópbaıqyzy aýyl mektepterin damytýǵa, daryndy balalardy qoldaýǵa jaǵdaı jasaýǵa erekshe kóńil bóldi. Jumys kezdesýlerinde Shámshá Kópbaıqyzy únemi menimen tájirıbesimen bólisip, keńesterin aıtyp, bizdiń saladaǵy jańalyqtardy qadaǵalap otyrdy. Ulttyq bilim men ǵylymnyń kórnekti tulǵasynyń ketýi – orny tolmas shyǵyn. Shámshá Kópbaıqyzynyń týǵan-týystary men jaqyndaryna qaıǵylaryna ortaqtasyp, kóńil aıtamyn», — dep jazdy Ashat Aımaǵambetov.
“Adyrna” ulttyq portaly
