Tótenshe jaǵdaılar mınıstrliginiń habarlaýynsha, 2021-2023 jyldarǵa arnalǵan sý tasqynyna qarsy is-sharalardyń Jol kartasy sheńberinde 2021 jyly iske asyrý josparlanǵan 68 is-sharanyń 33-i oryndaldy. Aıaqtalý merzimi 2022-2023 jyldarǵa josparlanǵan 4 is-shara merziminen buryn oryndaldy, dep jazady "Adyrna" ulttyq portaly.
Atap aıtqanda, 9,4 shaqyrym ózen arnalary qaıta qurylyp, 22,2 shaqyrym tazartyldy. 8,2 shaqyrym qorǵanys bógetteri salynyp, 8,1 shaqyrym bógetterde aǵymdaǵy jóndeý jumystary júrgizildi. Eki gıdrotehnıkalyq qurylys salyndy. 4 jergilikti qulaqtandyrý júıesi ornatyldy. Avtomobıl jolynyń astyndaǵy sý ótkizý qubyry aýystyryldy.
Budan basqa, atalǵan eldi mekenderdi sý tasqynyna qarsy qorǵaý úshin TJM jergilikti atqarýshy organdarmen iske asyrylatyn eki negizgi baǵdarlamalyq qujattar sheńberinde sý tasqynyna qarsy jumystardyń oryndalýyna monıtorıng boıynsha jumys júrgizilýde.
"Jalpy sý tasqynyna qarsy is-sharalar keshenin iske asyrý barysynda 340 eldi mekennen sý basý qaýpi joıyldy. 385 eldi mekende qaýip azaıtyldy. Búgingi kúni sý tasqyny qaýpi bar 1 010 eldi mekenniń 285-i úshin yqtımal qaýip saqtalýda. Ótken táýlikte óńirler aýmaǵynda jergilikti atqarýshy organdar men TJM kúshteri Aqmola, Aqtóbe, Batys Qazaqstan, Shyǵys Qazaqstan, Pavlodar, Túrkistan oblystarynda jáne Nur-Sultan qalasynda 144 379 m3 erigen qar sýyn sorý jumystaryn júrgizdi. Sondaı-aq Aqmola, Batys Qazaqstan, Shyǵys Qazaqstan, Pavlodar, Aqtóbe oblystarynda 7 961 ınertti materıal salynǵan qap tóseldi. Batys Qazaqstan oblysynda 250 m2 alqapta ózenderde muz kesý jumystary júrgizildi", - delingen habarlamada.
Batys Qazaqstan oblysynda avarııalyq-qutqarý jumystaryna Mańǵystaý jáne Atyraý oblystarynyń TJD kúshteri men quraldary jeke quramnan 92 adam, 13 birlik tehnıka, 2 júzý quraly jáne 6 motopompa jumyldyryldy.
Qazirgi ýaqytta Batys Qazaqstan oblysynda sý basqan 53 turǵyn úıi men Aqtóbe oblysynda 57 saıajaı úıi baqylaýda tur.
"Ótken táýlikte Batys Qazaqstan jáne Aqtóbe oblystarynda 773 adam evakýaııalandy. Olar ýaqytsha evakýaııalaý pýnktteri men týystarynyń úılerine ornalastyryldy. Qaıtys bolǵan jáne zardap shekken adamdar týraly aqparat tirkelgen joq. TJM «Qazavıaqutqarý» AQ tikushaǵymen Jaqsybaı aýylynan Oral qalasyna 2 júkti áıel jetkizildi. Ótken táýlikte Batys Qazaqstan oblysynda 99 turǵyn úıdi, Aqtóbe oblysynda 57 saıajaı úıin jáne 21 aýla aýmaǵyn sý basty. Aqtóbe oblysynyń respýblıkalyq mańyzy bar joldarynyń 2 ýchaskesinde, sondaı-aq Aqtóbe, Qaraǵandy, Batys Qazaqstan jáne Aqmola oblystarynyń oblystyq jáne jergilikti mańyzy bar 14 ýchaskesinde sý tasýda",- dep habarlady mınıstrlik.
Osy jumystarǵa TJM, IIM, UQK ShQ, JAO 2 229 adam, 489 birlik tehnıka, 238 sý aıdaý quraly jáne 27 júzý quraly jumyldyryldy. Onyń ishinde TJM jeke quramynan 974 adam, 117 birlik tehnıka, 145 sý aıdaý quraly, 21 júzý quraly bar.
"Adyrna" ulttyq portaly
