Reseılik kompanııa Qazaqstannan bank kartalaryn ashyp, olarǵa aqsha aýdaratyn qazaqstandyqtardy izdep jatyr, dep habarlaıdy "Adyrna" ulttyq portaly arbat.media-ǵa silteme jasap.
Tıisti bos oryn HeadHunter saıtynda paıda boldy. Onda kompanııanyń qarjyny batystyq klıentterden alǵany aıtylǵan. Reseıge qarsy sankııalarǵa baılanysty banktik SWIFT * aýdarymdary Reseı Federaııasynyń aýmaǵynda jumysyn toqtatty, sondyqtan olar «osy júıe jumys isteıtin Qazaqstandaǵy seriktesterimiz arqyly jasaýdy» sheshti.
Qyzmetkerdiń mindetteriniń tizimine qazaqstandyq bank kartasyn jasaý jáne ony telefon nómirine baılaý kiredi. Bul tapsyrma úshin kompanııa 5 000 rýbl (27 000 teńge) tóleýge daıyn. Sondaı-aq, qyzmetker bolashaqta bankpen týyndaǵan máselelerdi sheshkeni úshin aı saıyn 1000 rýbl (5 000 teńge) alady.
Eske salaıyq, 27 aqpanǵa qaraǵan túni Eýrokomıssııa tóraǵasy Ýrsýla fon der Leıen Eýroodaq basshylary reseılik bankterdi SWIFT júıesinen ajyratý týraly sheshim qabyldaǵanyn aıtqan bolatyn.
1 naýryzda Qazaqstan Respýblıkasy Ulttyq bankiniń tóraǵasy Ǵalymjan Pirmatov Qazaqstan Reseımen ózara esep aıyrysýdyń SWIFT júıesiniń ornyna basqa tetikterdi daıyndaǵanyn habarlady.
Sáýirdiń 1-i kúni Qazaqstan prezıdenti ákimshiligi basshysynyń birinshi orynbasary Tımýr Súleımenov eýropalyq jýrnalısterge Qazaqstan Reseı Federaııasyna qarsy sankııalardy aınalyp ótetin quralǵa aınalmaıtynyn aıtty.
*SWIFT (Society for Worldwide Interbank Financial Telecommunications) — álemdegi eń iri bankaralyq baılanys júıesi. Onyń kómegimen dúnıe júziniń bankteri bir-birine aýdarymdar men tólemder týraly derekterdi jedel túrde tasymaldaıdy.
"Adyrna" ulttyq portaly
