Shymkent qalasy ákiminiń orynbasary Erǵalı Bilisbekov búgin azamattardy áleýmettik máseleleri boıynsha onlaın rejımde jeke qabyldadady. Qabyldaýda negizinen múmkindigi shekteýli balalardy qorǵaý jáne olarǵa qoldaý kórsetý, sondaı-aq turǵyn úımen qamtý jóninde shaǵymdar aıtyldy. Qala basshysynyń orynbasary halyqty tolǵandyrǵan ózekti máselelerdiń sheshimin qarastyryp, olarǵa zań aıasynda keńes berdi.
Qalalyq jumyspen qamtý jáne áleýmettik qorǵaý basqarmasynyń málimetinshe, qazirgi tańda Shymkent qalasynda 36 537 múmkindigi shekteýli azamat tirkelgen bolsa, onyń 6418-i 18 jasqa deıingi balalar. Qalada ornalasqan medıınalyq-áleýmettik mekemelerde múmkindigi shekteýli balalarǵa arnalǵan arnaýly áleýmettik ońaltý jáne emdik sharalar qarastyrylǵan. Sonymen qatar, múgedektigi bar azamattarǵa arnaıy jabdyqtalǵan «Invataksı» jáne Uly Otan soǵys ardagerleri men múgedekterine, júrip-turýy qıyn 1-2-shi toptaǵy múgedekterge emdeý mekemelerine jáne qoǵamdyq oryndarǵa barý úshin arnalǵan «Áleýmettik taksı» qyzmet kórsetedi.
Qala ákiminiń orynbasary qabyldaý barysynda azamattardyń ótinish-tilekterine saı tıisti basqarma basshylaryna birqatar tapsyrmalardy júktep, ár azamattyń máselesi baqylaýǵa alynatyndyǵyn jetkizdi.
Shymkent qalasy ákiminiń orynbasary E.Bilisbekov jetekshilik etetin basqarmalar tizimi ózgergenin de aıta ketý qajet. Erǵalı Dáýletbekuly qazirgi tańda turǵyn úı, jumyspen qamtý jáne áleýmettik qorǵaý, qalalyq orta sapasy jáne baqylaý, memlekettik eńbek ınspekııasy, memlekettik satyp alý, qalalyq jaıly ortany damytý basqarmalaryna jetekshilik etedi.
