Búgin qaladaǵy jol qurylysyna qatysty qala ákiminiń orynbasary Maqsut Isahov buqaralyq aqparat quraldarymen baspasóz-brıfıngin ótkizdi.
Turǵyndar arasynda Qonaev-Rysqulov jolaıryǵy men A-2 tas joly qurylysy jáne áýejaı mańyndaǵy jaıaý júrginshiler joly, velojolaq sapasyna qatysty vıdeolar men pikirler taraǵan bolatyn.
Osyǵan baılanysty Maqsut Pernebaıuly:
- Qonaev dańǵyly boıynsha jerasty jaıaý júrginshiler ótkelin abattandyrý jumystary, sonymen qatar jańbyr jáne qar sýlaryn baǵyttaıtyn sýaǵar júıelerin ornatý tolyǵymen aıaqtalǵan joq. Qazirgi ýaqytta jer asty ótkelinde jınalǵan sý sorylyp, qalypqa keltirildi. Al asfalt tóseý jumystary merdiger mekeme qarajaty esebinen jasalatyn bolady. Aıta keteıik, qurylys jumystaryn júrgizip jatqan «Bazıs-K» JShS-nen Qonaev-Rysqulov kósheleri qıylysyndaǵy jolaıryq áli qabyldanǵan joq. Maýsym aıynyń sońyna deıin kórsetilgen kemshilikter joıylyp, qurylys jumystary aıaqtalatyn bolady.
- Al 4,5 shq aeroport velojolyndaǵy 0,6shq joldyń otyrýlary tikeleı káriz júıesin jasaǵan merdiger «EnSaf» JShS tarapynan retke keltiriletin bolady. Sebebi bul merdiger mekeme káriz júıesin júrgizgende laboratorııalyq synamalarynda jol salatyn jer qabaty tyǵyzdyǵy saı ekeni anyqtalǵan. Osy kórsetkishter negizinde «Korparaııa Bereke» JShS jol qurylysyn júrgizgen» -dep atap ótti.
Jalpy jolaýshylar kóligi jáne avtomobıl joldary basqarmasy tarapynan bıylǵy jyly 141 nysanǵa qurylys, jóndeý jumystaryn atqarý josparlanyp otyr:
qurylys jáne qaıta jańartý – 19 nysan (51,5 shq), ortasha jóndeý – 121 nysan (223,8 shq, 291 kóshe), kúrdeli jóndeý – 1 nysan (19,3 shq).
Sonymen qatar, 150 orynǵa aıaldama ornatý jáne aýdan ákimshiligi tarapynan bekitilgen kóshelerge shaǵal tas tóseý josparlanýda.
Ótken jyldyń nátıjesi boıynsha qalamyzdaǵy asfalt joldardyń úlesi 63,6% jetken. Asfalt jol úlesin 2022 jyly 67,4%, 2023 jyly 71,2%, 2024 jyly 75%, 2025 jyly 79% jetkizý josparlanǵan.
