Shymkenttik ustazdar respýblıkada top jardy

1655
Adyrna.kz Telegram

Shymkenttik ustazdar respýblıkalyq olımpıadada jeńimpaz atandy. Atyraý qalasynda 28-30 naýryz aralyǵynda QR Bilim jáne ǵylym mınıstrligi «Daryn» Respýblıkalyq ǵylymı-praktıkalyq ortalyǵynyń uıymdastyrýymen matematıka páni muǵalimderine arnalǵan dástúrli «Matematıkalyq regata» olımpıadasy uıymdastyryldy.

Olımpıadaǵa elimizdiń barlyq óńirleri men respýblıkalyq bilim berý uıymdarynan quramy 4 adamnan turatyn 20 komanda qatysty. Ustazdardyń bilimin saralaıtyn dástúrli baıqaýǵa Shymkent qalasynan komanda qatysty. Shymqalanyń namysyn qalalyq kezeńniń jeńimpazdary O.Joldasbekov atyndaǵy №9 IT lıeıiniń muǵalimi En Raısa Nıkolaevna , №1 daryndy balalarǵa arnalǵan IT lıeı-ınternatynyń muǵalimi Nurbol Mırzahmedov, №90 DABMMG muǵalimi Eldos Aıdarbekov jáne Y. Altynsarın atyndaǵy №65 mektep-gımnazııasynyń muǵalimi Jaqsylyq Sadırov qorǵady.

Olımpıada tórt kezeńdi qamtyǵan. Qatysýshylarǵa ár kezeń boıynsha ujymdyq jazbasha sheshýdi qajet etetin úsh tapsyrma berilgen. Baıqaýdyń barlyq kezeńinde shymkenttik ustazdar bilimi men tájirıbesin dáleldedi. Nátıjesinde respýblıkalyq olımpıadada ustazdar III oryndy ıelenip, jeńimpaz atandy.

Pikirler