Ádilet mınıstri Qanat Mýsın úkimet saǵatynan soń jýrnalısterdiń suraqtaryna jaýap berdi. Mınıstr Orda.kz jýrnalısine Nazarbaevtyń týystary týraly aqparatpen bólisti, dep jazady "Adyrna" ulttyq portaly.
Qanat Mýsınniń aıtýynsha Nazarbaevtyń jıen baýyrlary, inileri memleket qaramaǵyndaǵy týystarynyń qataryna kirmeıdi.
Bul týraly ol Qaırat Satybaldyny tutqyndaý qanshalyqty zańdy degen suraqqa jaýap bergen kezinde habarlaǵan. Basqa jýrnalıster osy suraqtyń maǵynasyn ashý maqsatynda taǵy birneshe suraq qoıyp, mınıstrdiń urtynan Darıǵa Nazarbaeva men Nursultan Nazarbaevty ustaýǵa nemese qamaýǵa alýǵa bolmaıdy degen jaýap aldy.
– Joq, bul adamdardy ustaýǵa jáne qamaýǵa alýǵa bolmaıdy. Zań buǵan tyıym salady. Biraq olarǵa suraq qoıýǵa jáne jaýap alýǵa tyıym joq, – deıdi mınıstr Mýsın.
Sonymen qatar, ádilet mınıstrligi burynǵy prezıdenttiń mártebesi týraly zańǵa ózgerister engizýdi josparlap otyrǵan joq ekendigin jetkizdi.
"Adyrna" ulttyq portaly
