Qazaqstanda 6 myń ata-ana tirkeýge qoıylyp, 12 myń ata-ana jaýapkershilikke tartyldy, dep habarlady "Adyrna" ulttyq portaly Ishki ister mınıstrligi Ákimshilik polıııa komıteti basqarmasynyń bastyǵy Áset Ospanovtyń baıandamasyna silteme jasap.
"Balalardy tárbıeleýge qatysty mindetterdi atqarmaıtyn 6 myńnan astam ata - ana profılaktıkalyq tirkeýge alyndy", - dedi Ospanov dúısenbide ótken brıfıngte.
Onyń aqparaty boıynsha, ómirlik qıyn jaǵdaıǵa tap bolǵan 2 myńnan astam otbasy anyqtaldy, olar týraly aqparat múddeli memlekettik organdarǵa jiberildi. Olarǵa qatysty kámeletke tolmaǵandardyń isteri jáne olardyń quqyqtaryn qorǵaý jónindegi komıssııalarda 1800 materıal qaraldy, 600-den astam adam ata-ana quqyqtarynan aıyryldy jáne 340 adam shekteldi, ata-ana mindetterin oryndamaǵany úshin 12 myńnan astam adam ákimshilik jaýapkershilikke tartyldy.
Sondaı-aq, oqý jylynyń basynan bastap Ishki ister organdary baqylaýǵa alǵan qoǵamǵa qarsy is-áreketter jasaýǵa beıim jasóspirimder arasynda 1400-den astam beıresmı kóshbasshylar anyqtaldy, kámeletke tolmaǵandar arasynan bopsalaýdyń 40 faktisiniń aldyn aldy.
Balalarǵa qatysty zorlyq-zombylyq faktilerin anyqtaý úshin polıııa áreketteriniń qadamdyq algorıtmi ázirlendi, oǵan sáıkes balalar ógeı ákelerimen jáne ógeı sheshelerimen birge turatyn otbasylarǵa erekshe nazar aýdarylady.
2023 jylǵy jeltoqsanda memlekettik organdarmen birlesip Zorlyq-zombylyqqa, qýdalaýǵa, kıberbýllıngke ushyraǵan kámeletke tolmaǵandardy erte anyqtaý jáne olarǵa kómek kórsetý jónindegi arnaıy ádisteme bekitildi. Ákimdikter janynan bala quqyqtary jónindegi óńirlik ýákilderdiń, bilim berý, halyqty áleýmettik qorǵaý qyzmetkerleriniń, ýchaskelik polıııa ınspektorlarynyń qatysýymen balalarǵa qatysty zorlyq-zombylyqty anyqtaý jáne oǵan den qoıý úshin vedomstvoaralyq mobıldi toptar quryldy.
Aqparat almasý Whatsapp chattarynda júzege asyrylady.
