26 naýryzda saǵat 21.30-da Petropavldaǵy JEO-2-de taǵy da apat boldy, - dep habarlaıdy "Adyrna" ulttyq portalynyń tilshisi. Aqparatty kásiporynnyń baspasóz qyzmeti rastady.
"Qazir kásiporynda eki qazandyq pen eki týrbına bar. Jelilik sýdyń temperatýrasy 43-37 gradýs elsıı", - dep habarlady Petropavl ákimdigi.
Kompanııa túsindirgendeı, JEO-2-de barlyǵy 12 qazandyq ornatyldy: bireýi tolyǵymen aýystyrýǵa daıyndalyp jatqandyqtan, bólshekteldi. Bıylǵy qysta orta eseppen 7-8 qazandyq jumys istedi, murjanyń bir bóligi opyrylǵannan keıin birinshi kezektegi qazandyqtar toqtap, beseýi jumys istep turdy», - deıdi «Sevkazenergo» AQ baspasóz hatshysy Lılııa Sherına.
Sondaı-aq olar JEO-2-de jóndeý-qalpyna keltirý jumystary júrgizilip jatqanyn qosa aıtty. Olardyń qansha ýaqytqa sozylatyny ázirge belgisiz.
Eske salaıyq, 20 naýryzda Petropavl qalasyndaǵy JEO-2-de bir murja opyrylyp túsken bolatyn. Oqıǵadan keıin bir táýlikten astam ýaqyt ótken soń qutqarýshylar kásiporynnyń mamanyn izdestirdi. 22 naýryzda úıindi astynan 38 jasar jumysshynyń denesi tabyldy. Prokýratýra oqıǵaǵa qatysty tergeýdi jalǵastyrýda. 22 naýryzda «JEO-2» JShS dırektory men kásiporynnyń bas ınjeneri ustalyp, Petropavl qalalyq IIB ýaqytsha ustaý ızolıatoryna qamaldy.
Oblys ortalyǵyndaǵy JEO-2 60 jyldan astam jumys istep keledi. 2021 jyldyń qarasha jáne jeltoqsan aılarynda kásiporynda eki ret oqys oqıǵa oryn aldy. Ekeýinde eki qazandyq isten shyqty. Odan keıin qalanyń birneshe aýdany jaryqsyz qaldy.
"Adyrna" ulttyq portaly
