Ýkraına jerindegi áskerı qaqtyǵystar kezinde Reseı áskeriniń quramynda bolǵan taǵy bir qazaq jigiti kóz jumdy. Bul týraly Samat Nurtaza óziniń Facebook paraqshasynda jazdy, dep habarlaıdy "Adyrna" saıty.
"Ýkraına elinde Saratov oblysynyń týmasy taǵy bir etnıkalyq qazaq qaıtys boldy. Bul gvardııa serjanty Nurylbek Bógetaev. Ol parashıýtti-desanttar rotasynyń jaýyngerlik mashınasynyń komandıri boldy", dep jazdy.
Sondaı-aq jelide qazaqqa uqsas taǵy bir adamnyń kóz jumǵany jaıynda maqala paıda boldy.
"Ýkraınada Reseı okýpanttarynyń arnaıy bólim komandıry Azamat Alınovtyń kózi joıyldy. Ol Ombydan bolatyn" degen taqyryppen maqala jarııalady. Ony da kópshilik qazaq dep topshylady.
"Ylǵı komandırler eken, átteń osylar óz áskerimizde qyzmet etkende ǵoı", "Menińshe orystar alǵy shepke Reseıdegi sany az ulttardy qasaqana jiberip jatqan sııaqty" , "Eger Ýkraınaǵa qarýmen barǵan bolsa onda qazaq emes", "Onyń basqa amaly bolmady, sebebi ol Reseıde turady, bir sózben aıtqanda táýeldi", "Aıanyshty, ózge jerde júrip, ózgeler úshin jan tapsyrý qandaı qıyn", degen maǵynadaǵy pikirler jazdy.
Eske salsaq, Reseı Ýkraına jerindegi áreketterin baılanysty "arnaıy áskerı shara" ótkizip jatyrmyz dep málimdedi. Búgin onyń bastalǵanyna týra 29 kún boldy.
