Túrkııa prezıdenti Rejep Taıyp Erdoǵan 24 naýryzda Brıýsselde ótken baspasóz máslıhatynda sóz sóıledi, dep habarlaıdy "Adyrna" ulttyq portaly.
Erdoǵan óz sózinde Reseımen de, Ýkraınamen de dıplomatııalyq qarym-qatynasta ekenin atap ótti.
"Biz eki tarappen de dıplomatııalyq baılanystamyz, barlyq usynystardy talqylap, beıbitshilik ornatýǵa baǵyttalǵan barlyq bastamalardy qoldaımyz... Túrkııa Ýkraınanyń aýmaqtyq tutastyǵy men egemendigin qoldaıdy. 2014 jyldan bastap bizdiń elimiz Ýkraına halqy men Úkimetine tolyq qoldaý kórsetip keledi. Biz Qyrymdy okkýpaııalaýdy moıyndamaımyz jáne kez-kelgen jaǵdaıda óz pozıııamyzdy qaıtalaımyz... Reseı men Ýkraına-bizdiń kórshilerimiz. Bizdiń Ýkraınamen qarym-qatynasymyzdyń uzaq tarıhy bar, olar kópjaqty yntymaqtastyqqa negizdelgen jáne strategııalyq seriktestikke qol jetkizdi. Reseımen qatynastar ózara qaýipsizdik jáne dıalog qaǵıdattaryna negizdelgen", - dedi Túrkııa prezıdenti.
Erdoǵan aldaǵy ýaqytta soǵys qımyldaryn toqtatýǵa barynsha qamdanatynyn atap ótti.
"Túrkııa 11 jyl boıy Sırııa soǵysynyń aýyrtpalyǵyn jalǵyz ózi kóterip keledi. Biz áskerı qaqtyǵystar nátıjesinde týyndaıtyn gýmanıtarlyq problemalardy jaqsy bilemiz. Osy sebepti túrik dıplomatııasynyń birinshi mindeti – soǵys qımyldaryn toqtatý. Ýkraınadaǵy beıbitshilik eki el men álemdik qaýymdastyqqa sáıkes keletin formýla boıynsha qamtamasyz etilýi kerek. Bul turaqty jáne berik beıbitshilik bolýy kerek... Biz 63 myńnan astam beıbit turǵyndardy soǵys júrip jatqan aımaqtardan qansyz kóshirýge qol jetkizdik. Túrkııa azamattarynyń negizgi qajettilikteri úshin gýmanıtarlyq kómekpen birge 56 júk kóligin jiberdi. Biz 60 myńnan astam Ýkraına azamatyn qabyldap, ózimizge panalattyq. EQYU-nyń Ýkraınadaǵy baqylaý mıssııasynyń 142 múshesi Stambýl arqyly evakýaııalandy. Túrkııa sońǵy 8 jylda 5 mıllıon bosqyndy qabyldady, bul álemdegi kez kelgen elde qaraǵanda kóp. Túrkııa belsendi jáne prınıpti saıasat ustanýda. Bizdiń saıasatymyzdyń basty sharty – NATO aıasyndaǵy Eýro-Atlantıkalyq keńistiktiń qaýipsizdigi... Biz NATO sammıtinde qabyldanǵan sheshimderdiń úshinshi elderge qarsy baǵyttalmaǵanyn, eshkimdi qorqytpaıtynymyzdy barlyq elderge jetkizýge mindettimiz", - dep málimdedi Rejep Taıyp Erdoǵan.
Sonymen qatar ol Ýkraınadaǵy áskerı qaqtyǵystar álemdik tártiptiń, halyqaralyq quqyqtyń tıimsizdigin kórsetkenine toqtaldy.
"Bizdiń kúsh-jigerimiz álemdegi qaýipsizdikti qamtamasyz etýge qyzmet etedi. Túrkııa alıanstyń qaǵıdalaryna adal jáne ony sózben emes, is júzinde kórsetýde. Bizdiń áskerı ónerkásibimiz sapaly jańa deńgeıge kóterildi, bul áskerı áleýettiń keńeıgenin kórsetedi. Bizdiń keıbir áriptesterimiz engizgen áskerı ónerkásibimizge qatysty shekteýlerdi alyp tastaıtyn kez keldi... Sırııadaǵy, Lıvııadaǵy, Iemendegi, al qazir Ýkraınadaǵy áskerı qaqtyǵystar álemdik tártiptiń, halyqaralyq quqyqtyń synǵyshtyǵy men tıimsizdigin taǵy bir ret aıǵaqtaıdy. Bul BUU-da, ony qadaǵalaıtyn uıymda jıi baıqalady. Jahandyq qaýipsizdik arhıtektýrasy, onyń ishinde BUU Qaýipsizdik keńesi mańyzdy reformalardy qajet etedi", - dep tolyqtyrdy sózin Túrkııa basshysy.
"Adyrna" ulttyq portaly
