Prezıdent Is basqarýshysynyń orynbasary taǵaıyndaldy

1577
Adyrna.kz Telegram

Marjan Ákimjanova Prezıdent Is basqarýshysynyń orynbasary bolyp taǵaıyndaldy. Bul týraly Aqorda saıtynda jarııalandy, dep jazady "Adyrna" ulttyq portaly.

- Memleket basshysynyń ókimimen Marjan Ábdiıýsýpqyzy Ákimjanova Qazaqstan Respýblıkasy Prezıdenti Is basqarýshysynyń orynbasary bolyp taǵaıyndaldy, ol Qazaqstan Respýblıkasy Prezıdentiniń keńesshisi laýazymynan bosatyldy, delingen habarlamada.

Ákimjanova Marjan Ábdiıýsýpqyzy  1971 jyly 19 maýsymda Almaty oblysy Narynqol aýdany Shalkóde aýylynda dúnıege keldi.

1999 jyly Qazaq memlekettik qyzdar pedagogıkalyq ınstıtýtyn bitirdi.

Ákimjanova Marjan eńbek jolyn Qazaqstan Respýblıkasy Ǵylym akademııasynyń Mehanıka jáne mashınataný ınstıtýtynyń zerthanashysynan bastap, 1991-1993 jyldary sharýashylyq meńgerýshisi, kadr bóliminiń ınspektory;

1993-1995 jyldary Qazaqstan Respýblıkasy Joǵary Keńesiniń redakııalyq-baspa qyzmetiniń mamany;

1995 jyly Qazaqstan Respýblıkasy Mınıstrler kabıneti apparatynyń ishki saıasat bóliminiń mamany;

1995-1997 jyldary Qazaqstan Respýblıkasy Úkimet Apparatynyń Aýmaqtyq damý bóliminiń mamany;

1997-2012 jyldary Qazaqstan Respýblıkasy Prezıdentiniń Baspasóz qyzmetinde aǵa maman, referent, aǵa referent, sarapshy, aǵa sarapshy, bas sarapshy, konsýltant, sektor meńgerýshisi qyzmetterin atqardy.

2012-2021 jyldar aralyǵynda Qazaqstan Respýblıkasy Prezıdentiniń Baspasóz hatshysynyń orynbasary boldy.

2021 jylǵy 4 aqpanda Memleket basshysynyń Ókimimen Qazaqstan Respýblıkasy Prezıdentiniń Keńesshisi qyzmetine taǵaıyndalǵan.

"Qurmet" ordenimen, "Eren eńbegi úshin" medalimen, Prezıdent Ákimshiliginiń "Minsiz qyzmeti úshin" tósbelgisimen marapattalǵan.

"Adyrna" ulttyq portaly

Pikirler