Bolaşaqta elımızdıŋ ǧylymi-tehnikalyq elitasyn qūraityn, erekşe aqyldy, talantty jastar Qazaqstanda ömır sürgılerı kelmeidı. Būl jönınde bügın Almatyda ötken mamandandyrylǧan kezdesu barysynda aityldy. Joǧarǧy oqu oryndarynyŋ rektorlary, käsıpkerler men saiasattanuşylar qatysqan jiynda altyn basty jastarymyz şetelge nelıkten aǧylyp ketıp jatqandyǧy söz boldy.
AQŞ-tyŋ San-Fransisko qalasynda Google, Facebook, Twitter siiaqty internet alpauyttarynyŋ keŋselerı ornalasqan. Jahanǧa attary äigılı būl kompaniialar älemnıŋ tükpır-tükpırınen eŋ myqty mamandardy jūmysqa qabyldaidy. Olardyŋ arasynda bızdıŋ otandastarymyz köp. Juyrda ǧana şetelge saiahattap kelgen saiasattanuşy Saiasat Nūrbek qazırgı kezde San-Fransiskoda 2 myŋ qazaq balasy qonystanyp, tūraqty jūmys ıstep jatqanyn aitady.
SAIаSAT NŪRBEK, saiasattanuşy:
– İgor Ganichev - Öskemennıŋ tumasy, Qazaq-türık liseiınde bılım alǧan matematik. Seuldaǧy halyqaralyq olimpiadada Qazaqstanǧa alǧaş altyn äperedı, odan keiın taǧy 4 altyn, 3 kümıs jülde oljalaidy. Būl olimpiadalardy syrttai baqylap, İgor siiaqty balalardyŋ tızımın jasap, şeteldık kompaniialarǧa jöneltetın arnaiy ūiymdar bar. 2002 jyly Massachusets tehnologiialyq instituty oǧan şaqyrtu joldaidy, emtihansyz oquǧa qabyldaidy. Bıttı, balamyzdy joǧalttyq. 30 jasqa deiın ol millioner atandy, ärine Qazaqstanda emes.
Mamandardyŋ aituynşa erekşe qabıletımen erte jastan közge tüsken örkenderımızdıŋ 70 paiyzy şetelge qonys audarǧan. Sebebı talapty jastar elımızde damymaǧan joǧary tehnologiialy öndırıs, aiti, ǧylym, innovasiia salalarynda qyzmet atqarǧysy keledı. Al örkeniettı elımızdıŋ öndırısı äzırge būranda men tetıkşe şyǧarudan ary asa almai jür, -deidı jinalǧandar.
ENDRIý VAHTEL, «Narhoz» universitetınıŋ rektory:
– Özın öte aqyldy sanaityn, būl jerde jetıstıkke jete almaimyn degender şetelge ketedı. Özderın synap körgılerı keledı, būl ambisiia. Bıraq olardyŋ bärı ülken ataqqa ie bolmaidy ǧoi, denı qatardaǧy qyzmetker bolyp jūmys ıstep jüredı. Nege sol jastar elıne qaita oralmaidy? Sebebı ol būl jerde özıne qyzyqty dünie tappaitynyn bıledı.
Keş soŋynda mamandar bılıktı kadrlarymyzdy elımızde qaldyrǧymyz kelse, käsıpte qandai salaǧa mamandanuymyz kerek ekendıgın şeşıp, startap jobalardyŋ investisiiasyn arttyryp, patent alu, joba qorǧau, jūmysqa ornalasu siiaqty ierarhiialyq jüienı jemqorlyq pen biurokratiiadan ada qyluymyz qajet, -dep tarqasty.
___________________________________________________________________________________________________________________
31.kz
Ūqsas jaŋalyqtar
