Qoǵam belsendisi Muhtar Taıjan jańa partııa qurmaq. Bul týraly ol Facebook jelisinde málimdedi, dep habarlaıdy “Adyrna” ulttyq portaly.
«Búginnen bastap men jańa saıası partııany qurýǵa kirisemin. Naǵyz saıası jáne ekonomıkalyq reformalardy júzege asyrtý úshin búgingi bılik, ıaǵnı búgin zalda otyrǵandardyń – Májilis, Senat jáne úkimet 80-90% sózsiz aýysýy kerek… Bizdiń jańa saıası partııamyzdyń ataýy Jer qorǵany bolsyn. Jer degen uǵym ár qazaq úshin qasıetti dep bilem. Jerimizdi qorǵaı alsaq urpaq úshin bolashaqqa jol ashamyz degen sóz», — dep jazdy ol.
Sondaı-aq, ol saıası jáne ekonomıkalyq kózqarasyn qoldaıtyndardy tirkelýge shaqyrdy.
“Ol úshin biz - el men ult janashyrlary - jańa partııa quryp kelesi saılaýda Nurotan-Amanat partııasyn adal jarysta jeńip - bılikke kelýimiz qajet!”,- dedi Muhtar Taıjan.
”Adyrna” ulttyq portaly
