Qazaqstanda aldaǵy ýaqytta bastaýysh synyptarǵa «Robototehnıka» oqý baǵdarlamasy engizilmek. Bul týraly Ortalyq kommýnıkaııalar qyzmetinde ótken baspasóz máslıhaty barysynda QR Premer-Mınıstriniń orynbasary Asqar Jumaǵalıev málim etti.
«Memleket basshysynyń «ıfrlyq Qazaqstan» baǵdarlamasy aıasyndaǵy mańyzdy baǵyttardyń biri - adamı kapıtaldy damytý bolyp tabylady. Daıarlyqtan ótken adam bolmasa, atalǵan baǵdarlamany júzege asyrý bizge qıynǵa túseri anyq. Biz orta jáne joǵary oqý oryndarynyń bilim baǵdarlamasyn qaıta qaraýdy josparlap otyrmyz. Bastaýysh synyptarǵa «Baǵdarlamalaý negizderi» men «Robototehnıka» oqý baǵdarlamalary engiziletin bolady. Baǵdarlamalaý tilderi de qaıta qaralyp, jańa (Java, Python, Rust jáne t.b) túrlerine aýystyrylady», - dedi A.Jumaǵalıev.
Onyń aıtýynsha, óndiristiń Data Science, Enterprise Architecture jáne ózge de qajetti jańa baǵyttary boıynsha joǵary bilimdi mamandar daıarlanbaq.
Asqar Jumaǵalıev bilimniń barlyq deńgeıinde qujattyń qaǵaz aınalymyn qysqartyp, elektrondy formatta qyzmetter men servısterdi kórsetýge kóshý jumysy júrgizilip jatqanyn aıtty.
Sonymen birge, ol ıfrlandyrý qarapaıym qazaqstandyqqa qandaı paıda ákeletinin tilge tıek etti.
«Bilim salasyndaǵy ıfrlandyrý eń birinshi kezekte búkilálemdik ozyq ilimge ınternet arqyly qol jetkizýge múmkindik beredi - ol degenińiz elektrondyq oqýlyqtardy qoldaný jáne sol sekildi ózge de múmkindikter. Shymkentte biz pılottyq joba retinde oqýshylardyń sabaqqa kelýin nazarǵa aldyq. ıfrlandyrýdyń arqasynda, ıaǵnı oqýshynyń ata-anasyna onyń balasy mektepke kelgen-kelmegeni týraly habarlama taratý arqyly, biz oqýshylardyń mektepke kelýin eki esege arttyrýǵa múmkindik aldyq. Shymkentte oqýshylardyń sabaqtan qalýdyń 22 myń oqıǵasy tirkelgen edi, ony qazirgi tańda 2 myńǵa deıin qysqarttyq. Osynyń arqasynda úlgerimdilik 10 paıyzǵa artty», - deıdi Asqar Jumaǵalıev.
_______________________________________________________________________________________________________________________________
inform.kz
