"Agressor" eldiń basshysy Ýkraına basshysymen betpe-bet kezdesýge janama kelisim bergenimen, Ýkraınaǵa qarsy bastalǵan soǵysty toqtatqysy kelmeıdi. Soǵystyń eki jaqtan da qansha shyǵyn ákeletini Pýtındi qyzyqtyrmaıdy. Bul pikirdi Stenford ýnıversıtetiniń professory Maıkl Makfol «Ýkraına 24» arnasyna bergen suhbatynda bildirdi.
Aıta ketý kerek, ol kóp jyldar boıy postkeńestik keńistikti zerttegen, 2014 jylǵa deıin Reseı Federaııasyndaǵy Amerıka elshisi jáne AQSh-tyń 44-shi prezıdenti Barak Obamanyń ulttyq qaýipsizdik máseleleri boıynsha kómekshisi bolǵan.
Professor áli soǵys qımyldaryn toqtatý úshin alǵysharttar joq ekenin atap ótti.
"Pýtın áli de jeńiske jetetinine senedi. Árıne, ol kútkennen de baıaý, degenmen shabýyl jalǵasýda", - dedi Maıkl Makfol.
Onyń aıtýynsha, Reseı Federaııasynyń basshysyna qansha ýkraınalyq nemese onyń sarbazdary óletini mańyzdy emes. Muny Ýkraınada turatyn orystar jaqsy túsinedi. Sonymen birge «Ýkraına qalalaryn fashısterden azat etińder» degen bos sózge senetin Reseı Federaııasynyń azamattary da az emes. Makfol bul nasıhatpen kúresýge shaqyrdy.
"Soǵys eki jolmen aıaqtalady: ne bireý jeńedi, ne maıdandaǵy jaǵdaı báseńdep, eshkim alǵa jyljı almaıdy. Meniń oıymsha, Pýtın jeńgen joq jáne jeńe de almaıdy. Biraq áskerı jaǵdaıdy turaqtandyrý áli de joq",-dep tolyqtyrdy AQSh-tyń Reseı Federaııasyndaǵy burynǵy elshisi.
"Adyrna" ulttyq portaly
