Qazaq Air bügınnen bastap Reseige ūşatyn reisterdı toqtatty, - dep habarlaidy "Adyrna" äue kompaniiasynyŋ saityna sılteme jasap.
"Qazaq Air saqtandyru kompaniiasynan Resei aumaǧynda jäne onyŋ äue keŋıstıgınde saqtandyru ötemı ūsynylmaǧany turaly habarlama aldy. Osy jaǧdaidyŋ saldarynan äue kompaniiasy Reseige äue reisterın oryndai almaidy. Resei aumaǧynda saqtandyrudy qamtamasyz etu mäselesı şeşıldı.Osyǧan bailanysty bügıngı (2022 jylǧy 12 nauryz) Novosıbırge reis toqtatyldy», - delıngen resmi habarlamada.Jolauşylarǧa biletter qūny tolyǧymen qaitarylatyny atap ötıldı. "Aqşany qaitaru biletterdı satyp alǧan jerde jüzege asyrylady. Eger bilet aviakompaniiada satyp alynǧan bolsa, info@flyqazaq.com mekenjaiy boiynşa habarlasyŋyz. Aqşany qaitaru turaly ötınışpen bırge brondau nömırı men bailanys derekterın körsetıŋız. Eger bilet agenttıkten satyp alynǧan bolsa, satyp alu ornyna habarlasu kerek», - dedı äue kompaniiasy. Qazaq Air uaqytşa qolaisyzdyq üşın keşırım sūrady. "Bız barlyq jolauşylardy aldaǧy künderı kestenıŋ būdan ärı özgeruı mümkın ekendıgı turaly habardar etemız. Qazaq Air qazaqstandyq jäne halyqaralyq standarttarǧa säikes ūşu qauıpsızdıgın qamtamasyz etu boiynşa barlyq talaptardy oryndaidy", - dep qorytyndylady kompaniia.
"Adyrna" ūlttyq portaly
Ūqsas jaŋalyqtar
