Terrorızm aktisi týraly jalǵan habarlama taratqan sheteldik aıyppul arqalady, dep habarlaıdy "Adyrna" tilshisi Polisia.kz-ke siltep.
2023 jyldyń kúzinde 36 jastaǵy sheteldik azamat Astana – Sankt-Peterbýrg baǵytyndaǵy áýe reısinde terrorızm aktisi týraly kórineý jalǵan habarlaǵany úshin ustalǵan. Oǵan zańǵa qaıshy qylyǵy úshin 2,5 mln teńge aıyppul salyndy.
Ol otbasylyq janjaldan keıin jubaıynyń Sankt-Peterbýrgke ushyp ketkenin qalamaı, osyndaı qadamǵa barýǵa bel býǵan. Bul týraly Baqytjan Malybaev habarlady.
– Qańtar aıynyń sońynda Astana qalasynyń qylmystyq ister jónindegi aýdanaralyq sotynyń sheshimimen atalǵan azamat kináli dep tanylyp, oǵan 750 AEK, ıaǵnı 2 mln 587700 teńge mólsherinde aıyppul túrinde jaza taǵaıyndaldy, – dedi departament bastyǵy Baqytjan Malybaev.
