Aldaǧy turistık mausymda Alaköl baǧytyna «Talgo» jürdek poiyzy jüredı. Būl turaly Almaty oblysy äkımınıŋ baspasöz qyzmetı habarlady. «Qazaqstan Temır Joly» AQ basşylyǧy men Almaty oblysynyŋ äkımı Qanat Bozymbaev memorandumǧa qoi qoidy. Sonymen bırge köl jaǧalauyna jolauşy tasymaldaityn barlyq poiyzdardyŋ jaily boluyna, sapalyq deŋgeiın arttyruǧa nazar audarylady. «Jolauşy tasymaly» AQ-nyŋ barlyq vagondary jeldetudıŋ zamanaui jaŋa jüiesımen qamtamasyz etılmek.
Kezdesuge qatysuşylar Alaköl kölıne jolauşylar tasymaldaudy ūiymdastyruǧa erekşe nazar audardy. Indet jaǧdaiyna qaramastan 2019-2021 jyldar aralyǧynda kurorttyq aimaqtarǧa barǧan jolauşylar legı 264% artqan. Ötken jylǧy 11 jazǧy marşrutty (8 – «Jolauşylar tasymaly» AQ, 3 – jeke tasymaldauşylar) saqtai otyryp, 240 myŋdai jolauşy tasymaldau josparlanǧan. Būl rette ūsynylǧan oryndardyŋ jalpy sany 340 myŋnan asady. Sondai-aq būl baǧytqa «Talgo» jürdek poiyzyn şyǧaryp, künara jürgızu josparlanyp otyr. Jolauşylarǧa jaily, bilet baǧasy qoljetımdı vagondar jürgızu üşın oblys äkımdıgı tarapynan subsidiialau mäselesın şeşu qajet.
Vagondarda kondisioner men ystyq su joq, basqa da jaǧdailar jasalmaǧan degen jolauşylardyŋ şaǧymdaryna bailanysty oblys äkımı Qanat Bozymbaev «Qazaqstan temır joly» AQ ökılderımen bırlesıp jeke tasymaldauşy kompaniialardyŋ vagondaryn attestasiialaudy ūsyndy. Endı ärbır tasymaldauşy poiyzdarynyŋ jaily boluyna nazar audaruy tiıs. Būl rette sūranysqa säikes kupe tiptı vagondar sany ūlǧaitylady. «KTJ» küşımen Aqşi, Köktūma, Jalaŋaşköl stansylary retke keltırıldı, jolauşylar platformasy ūzartyldy, qorǧanys qalqandary ornatyldy.
Kezdesu soŋynda Almaty oblysy äkımdıgı men «QTJ» ŪK» AQ arasyndaǧy yntymaqtastyq turaly memorandummen bekıtıldı. Qūjatta temır jol infraqūrylymy jobalaryn ıske asyru, aimaqtaǧy jük tasymaly kölemın ūlǧaitu, Alaköl kölınıŋ turistık äleuetın arttyru mäselelerı qamtylǧan.
- Bız ekologiiaǧa ziianyn tigızbeitın industriiany damytuǧa ekpın tüsıremız. Atap aitqanda, maşina jasau salasyn damytamyz. «QTJ-nyŋ» sūranysyn bılsek, onda tiıstı qūral-jabdyqtardy şyǧaruǧa daiynbyz. Ol üşın investorlar tartamyz. Taldyqorǧanda osy salany damytu qajet. Būl ette bızge sızderdıŋ qoldaularyŋyz kerek. Bız öz tarapymyzdan infraqūrylymdyq jobalardy ıske asyruǧa, Alaköl kölıne jolauşylar tasymaldaudy subsidiialauǧa tiıstı kömek körsetemız. Jergılıktı mazmūndy damytu, tūraqty jūmys oryndaryn aşu – būl sızdermen bırlesken ısımızdıŋ tek alǧaşqy jemısı ǧana, odan da köp mümkındıkterge jol aşylady, - dedı Q. Bozymbaev.
