Jetisýlyqtardyń 54%-y kógildir otyndy tutynady

1752
Adyrna.kz Telegram

Oblysta 1,3 mln. adamnyń tabıǵı gaz paıdalanýyna jaǵdaı jasaý úshin bólingen qarjy kóleminiń aýqymdylyǵyna qaramastan búgingi kúni is júzinde gazdy oblystyń 702 myńnan astam turǵyny nemese 54% paıdalanyp otyr. «Iaǵnı eldi mekenderdi gazdandyrý men halyqtyń turmys sapasyn jaqsartý baǵytyndaǵy negizgi maqsatqa qol jetkizilmegen», - dedi oblys ákimi Qanat Bozymbaev gazdandyrý týraly ótken jıynda.

"JetisýOblGaz" JShS bas dırektory Zııash Qııaqbaevtyń aıtýynsha, Almaty oblysyndaǵy 742 eldi mekenniń 473-i gazdandyrýǵa jatady. Sonyń 164-ine gaz jetkizilgen, 2021 jyldyń sońynda oblys turǵyndarynyń 63,5%-niń gazǵa qosylýyna múmkindik jasaldy. Jalpy oń dınamıka bar bolǵanyna qaramastan 2017 jyldyń mamyrynan 2022 jyldyń qańtaryna deıin oblys ortalyǵynda 30 myńnan astam abonent nemese 55,3% turǵyn gazǵa qosylǵan. Bul qatarda Ile, Talǵar, Jambyl, Qarasaı, Qaratal, Kerbulaq, Kóksý, Balqash aýdandaryndaǵy 14 eldi mekende bar. Degenmen jaqsy jańalyqtar da bar. Bıylǵy jyldyń qorytyndysy boıynsha gazǵa oblystyń 33 eldi mekeni qosylyp, 78 myń adam gazdyń ıgiligin kóredi dep josparlanǵan. Memlekettik-jekemenshik áriptestik sheńberinde jalpy quny 4,1 mlrd.teńge bolatyn 5 joba júzege asty. Olar Kerbulaq aýdany Saryózek aýylyn, Talǵar aýdany Jalǵamys, Aqtas, Aqdala aýyldaryn, Balqash aýdany Baqanas aýylyn qamtydy.

Jıynda, oblys ákimi Qanat Bozymbaev aýdan ákimdikteri men ınvestorlardy birlesip jumys isteýge shaqyrdy.

- Talǵar aýdany Kishi Baıserke aýylynyń turǵyndarynyń ınvestorlar jumysyna kóńili tolmaıdy. Másele neden týyndap otyr? Bul jerde ınvestorlardyń esebinen júrgizilgen júıeler jaramdy ma, joq pa, bar bolǵany sony anyqtaý kerek. Eger jaramdy bolsa, ony jobaǵa engizip, paıdalaný kerek. Jaramsyz bolsa, ınvestorlar óz qarjysyna jumsap, tartylǵan júıeni alyp tastasyn, oǵan qosa sottyń sheshimi de bar. Shara qabyldaýdy uzaqqa sozbańyzdar, shıraq qımyldańyzdar. Gazǵa qosylý qunyn aspandatpaı, qoljetimdi etýimiz kerek. Investorlar esebinen gazdandyrýdyń tıisti erejesin daıyndaýymyz kerek. Bizge ınvestıııaǵa tartymdy, oryndy júıe qajet. Biz bıýdjet esebinen gazdandyrýdy jalǵastyramyz, múmkindik bolsa ınvestorlardy tartamyz, - dedi Q.Bozymbaev.

Sondaı-aq, óńir basshysy gazdandyrý baıaý júrip jatqan Uıǵyr, Eńbekshiqazaq aýdandaryndaǵy omy jumysty erekshe baqylaýǵa alý qajettigin aıtty.

Jalpy 2014-2020 jj. Almaty oblysynda gazdandyrý salasyna 101,1 mlrd.teńge bólingen, sonyń 74,1 mlrd.teńgesi - bıýdjet qarjysy, 12,5 mlrd. teńgesi - «QazTransGaz» AQ qarajaty, 14,5 mlrd. teńgesi - jeke ınvestıııa.

Pikirler