Shymkentte kóshelerdi jaryqtandyrý jumysy bıyl da jalǵasady. Búginde qaladaǵy ortalyq mańyzy bar 747 kósheniń 324-i jaryqtanyp, kórsetkish 43,4 paıyzdy qurap otyr.
Budan bólek, 1 026 kópqabatty turǵyn úı aýlasy men 9 saıabaq, 38 gúlzar aýmaǵyna kóshe shamdary ornatylǵan.
Bıyl kórsetkishti arttyrý maqsatynda memlekettik jekeshelik áriptestik áriptestik aıasynda (GChP) 102 kóshege jaryq dıodty shamdar ornatylady. Qazirgi tańda, jobalyq smetalyq qujattary ázirlenýde.
Bıyl jaryq sham ornatylatyn kósheler: Abaı aýdanynda 29 kóshe, Ál-Farabı aýdanynda 17, Eńbekshi aýdany 29 jáne Qarataý aýdany 27 kóshe.
Jyl sońyna deıin jaryqtandyrylǵan kósheler sany 426-ǵa jetip, kórsetkish 57 paıyzdy quraıdy.
Jospar boıynsha qalada 2023 jyly jaryqtandyrý kórsetkishin 70%, al, 2025 jyly 100% jetkizý kózdelip otyr.
