Búgin aımaq basshysy Gúlshara Ábdiqalyqova kezektilik tártibimen azamattardy jeke máseleleri boıynsha onlaın formatta qabyldady. Oblys ákiminiń jeke qabyldaýynda 15 azamattyń ótinishiteri qaraldy.
Turǵyndardyń máselelerin zerdeleý úshin jıynǵa jaýapty basqarma basshylary, Qyzylorda qalasy men birqatar aýdan ákimderi qatysty.
Azamattardyń negizgi saýaldarynyń baǵyty áleýmettik máselelerden týyndady. Máselen, 11 suraq turǵyn úı kezegine baǵyttaldy. Sonymen qatar, áleýmettik kómek qarastyrý, jumyspen qamtý, kásipkerlikke qoldaý men mádenıet baǵyty boıynsha úıirmeler ashý máseleleri de qaraldy.
Aımaq basshysy turǵyn úı kezek tizimi boıynsha beriletinin jáne bıylǵy jyly 1000 astam baspanany tabystaý josparda turǵanyn jetkizdi. Basqa kóterilgen suraqtar boıynsha jaýapty sala basshylaryna tapsyrma berip, zań aıasynda shuǵyl jumys jasaý qajet ekenin aıtty.
Aıta ketý kerek, aımaq basshysy Gúlshara Ábdiqalyqova ár aıdyń sońynda kezekke sáıkes azamattarǵa arnalǵan jeke qabyldaý ótkizip keledi. Ótken jyly oblys ákimi 135 turǵyndy qabyldasa, bıylǵy jyldyń eki aıynda 40-qa jýyq azamattyń suraqtaryna jaýap berildi.
