Murat Áıtenov turǵyndarmen kezdesti

1616
Adyrna.kz Telegram

Búgin qala ákimi Murat Áıtenov Tasken jáne Mártóbe turǵyn alabtardyń halqymen júzdesip, máselesin tyńdady.

9 myńnan astam halqy bar Tasken turǵyn alab sapaly elektr jaryǵymen tolyq qamtylǵan bolsa, tabıǵı gaz jáne sapaly aýyz sý 98 paıyzǵa sheshilgen. Qamtylmaǵan bóligi jańaqurylys aýmaǵy.

1500 gektar aýmaqty alyp jatqan Mártóbe aýyz sý, gaz, elektr jaryǵymen júz paıyz qamtylǵan. Munda 5 myńnan astam turǵyn turady.

Taskendikter Pármen kóshesiniń elektr jelileri men baǵanalary jáne transformatorlarynyń tozyǵy jetkenin, jańaqurylys aýmaǵyn ınfraqurylym júıesimen qamtamasyz etý máselesin aıtsa, Mártóbe turǵyn alabynyń halqy sýarmaly jerler máselesi men mektep pen aýrýhana salyp berý jaıyn kóterdi.

Turǵyndardyń ótinishin tyńdaǵan qala basshysy aıtylǵan máseleler uzaq jáne qysqa merzimde sheshiletinin aıtyp, áleýmettik nysandardy salýǵa kóp ýaqyt ketetinin jetkizdi. Máselen, mektep pen aýrýhana salý úshin salynatyn oryndy tańdaý, ony daıyndaý, jobalaý, ary qaraı qurylysty júrgizý proesi bar.

Qala ákimi Pármen kóshesiniń elektr jelileri men baǵanalaryn jáne transformatorlaryn aýystyrýdy «Ońtústik Jaryq Tranzıt» JShS-na tapsyrsa, salalyq basqarmaǵa jańaqurylys aýmaǵyn tabıǵı gaz jáne aýyz sýmen qamtamasyz etý úshin jobalyq smetalyq qujattamalaryn ázirleýdi júktedi. Al, qalalyq jaıly ortany damytý basqarmasyna Mártóbe turǵyn alabynyń sýarmaly jerler kólemin eseptep, «Aqsý» MKK mekemesimen birlese otyryp sý lımıtin kóterý kerektigin aıtty.

Kezdesý sońynda Murat Áıtenov budan bólek, eldi mekenderdegi kóshelerge asfalt salý, jaryqtandyrý jáne sport alańshalaryn salý jumystary kezeń-kezeńimen sheshiletinin aıtyp, turǵyndar tarapynan kóterilgen árbir máseleniń oryndalýy jiti baqylaýda bolatynyn jetkizdi.

 

Pikirler