Keshe ǵana Pýtın Ýkraınanyń shyǵysyndaǵy Donek jáne Lýgansk halyq respýblıkalarynyń táýelsizdigin tanyp, olarmen dostyq, yntymaqtastyq (áskerı) jáne kómek kórsetý týraly kelisimder jasady. Hronometraj boıynsha eń uzaq úndeýden soń Pýtın qujatqa qol qoıdy. Bul – 10 jyldyq kelisim.
Resmı Máskeý buǵan deıin de Ýkraınadan Donbastaǵy shaıqastardy dereý toqtatýdy talap etip, «qyrǵyn jalǵasqan jaǵdaıda tógilýi múmkin adam qany» Kıevtiń moınynda bolatynyn eskertken bolatyn.
Jerge qatysty másele kótergisi kelmeıtin Pýtınniń atalǵan eki aımaqty qyzǵyshtaı qorýynyń sebebi nede? AQSh-tyń qandaı múddesi bolýy múmkin?!
Qaıtse de, bul qadamnyń arty jaqsylyqqa alyp barmaıtyny haq. Óıtkeni bul sheshim Máskeý men Batys arasyndaǵy shıelenisti odan ári kúsheıtýi yqtımal. Al AQSh baıaǵy ádetinshe saıası daýdan óz paıdasyn oılap álek. Qýatty qarsylastarynyń júregine úreı uıalatý AQSh-tyń súıikti isi deýge bolady. Reseı tarapyna AQSh-tyń shekara mańyna tym jaqyndaýy unamaıdy. Kıev pozıııasy múlde bólek.
Ýkraına Prezıdenti Vladımır Zelenskıı jaýap retinde: «Biz eshkimnen, eshteńeden de qoryqpaımyz. Eshkimge eshteńe qaryz emespiz jáne de eshkimge eshteńe bermeımiz», – dep qysqa qaıyrdy. Biraq Ýkraınanyń segiz jylǵa sozylǵan qaqtyǵystardan joǵaltqany kóp. Sebebi 14 000-nan astam adam qaza tapty.
Ótkenge úńilsek, Reseıdiń LNR men DNR-diń táýelsizdigin moıyndaýy 2008 jylǵy Abhazııa men Ońtústik Osetııa oqıǵasymen uqsas. Demek, Grýzııa jaǵdaıyndaǵy senarıı qaıtalanýda. Ol kezde de Reseı búlikshil aımaqtarǵa qoldaý kórsetip, táýelsizdigin moıyndaǵan bolatyn. Bul joly da dál solaı Máskeý separatıstik aımaqtarǵa jaq. Eger Kıev atalǵan aımaqtardy qaıtaryp alýǵa umtylsa, Reseıge bul ashyq shaıqasqa shyǵý úshin eń ońaı syltaý bolmaq. Al álem elderi aldynda baıaǵysha odaqtas retinde jergilikti turǵyndardy Ýkraına armııasynan qorǵaımyz dep ýáj aıtýy múmkin.
Sońǵy málimetterge sensek, Reseıdiń tankileri Donenk aýmaǵynda paıda bolǵan kórinedi. Jaýap retinde AQSh pen EO elderi Reseıge sankııa salmaq.
BUU-nyń Bas hatshysy Antonıý Gýterrısh Reseıdiń DHR men LHR táýelsizdigin moıyndaý týraly sheshimine alańdaýshylyq bildirip: «Ýkraınanyń shyǵysyndaǵy qaqtyǵysty 2015 jyly BUU Qaýipsizdik keńesiniń qararymen qoldaý kórsetilgen Mınsk kelisimderine sáıkes beıbit jolmen sheshýge shaqyramyn», – dedi.
Eske sala keteıik, Donek jáne Lýgansk oblystaryndaǵy (Donbass) reseıshil separatıster 2014 jyly Ýkraına úkimetiniń baqylaýynan shyǵyp ketip, ózderin táýelsiz «halyq respýblıkalary» dep jarııalaǵan.
Oralbaı MERGENBAIULY
