Bügın Almaty oblysynyŋ äkımı Qanat Bozymbaev öŋırde jäne Almaty qalasynda tırkelgen qūrylys kompaniialarynyŋ ökılderımen kezdesıp, qūrylys jūmystarynyŋ sapasyn arttyru jäne jergılıktı materialdardy qoldanu turaly mäselelerdı talqylady.
Oblystyq qūrylys basqarmasynyŋ basşysy Däuren Joljanovtyŋ aituynşa, qūrylys jūmystaryn jürgızıp jatqan 83 merdıger mekemenıŋ 32-sı ǧana Almaty oblysynda tırkelgen. Özge oblystardan kelıp jūmys ısteitın mekemelerdıŋ qūrylys kölemındegı ülesı 61,5%, qarjylandyrudyŋ 60% osy mekemelerge baǧyttalǧan. Kezdesude oblystyq memlekettık säulet-qūrylys baqylau basqarmasynyŋ basşysy Daniiar Äbdıbekov qūrylys jūmystarynyŋ zaŋdylyǧy men sapasyn baqylauda anyqtalǧan merdıger ūiymdardyŋ jiı jol beretın ortaq kemşılıkterıne toqtaldy.Qanat Bozymbaev öz sözınde, jergılıktı jerde şyǧatyn materialdardy qoldanu mındettı talap boluy kerek. Būl - bır jaǧynan jergılıktı käsıpkerlerdı qoldau, ekınşı jaǧynan qūrylys jūmystarynyŋ qymbatqa tüspeuıne yqpal etedı. Endıgı jerde qūrylys nysandary tiptık ülgıde jürgızılıp, qūny tym joǧary jobalarǧa jol berılmeidı. Biudjet qarjysyn tiımdı jūmsauymyz kerek ekendıgın aitty. Sondai-aq, kezdesude qūrylys kompaniialary, avtorlyq jäne tehnikalyq qadaǧalau, jobalau mekemelerınıŋ ökılderı pıkır almasyp, ortaq mäselelerın talqylady.
