Shymkent qalasynyń ákimi Murat Áıtenov Tassaı turǵyn alaby men Nurtas jáne Mıras shaǵyn aýdan turǵyndarynyń ótinishin tyńdap, halyqty tolǵandyrǵan kez kelgen máseleniń nazardan tys qalmaıtynyn, olardyń kún tártibinen túspeıtinin jetkizdi.
10 myńnan astam turǵyny bar Tassaı turǵyn alaby sapaly elektr jáne aýyz sýmen tolyq qamtylǵan bolsa, tabıǵı gazben 80 paıyzy qamtylǵan. Qalǵan 20 paıyzyn kógildir otynǵa qosý boıynsha qurylys jumystary júrgizilýde. Aıaqtalý merzimi 2022 jyl. Al, káriz júıesimen qamtý maqsatynda «Saryaǵash Aman» JShS mekemesi tarapynan qurylys jumystary júrgizilýde. Qurylysy jyl sońynda aıaqtalady dep josparlanýda. Sonymen birge bıyl ınternet sapasyn joǵarlatý boıynsha 1 bazalyq stanııa ornatylady.
Nurtas shaǵyndanynda turatyn 16 myńǵa jýyq halyq pen Mıras shaǵyn aýdanyndaǵy 4 myńnan astam turǵyn tolyq tabıǵı gazben, elektr jaryǵymen, aýyz sýmen qamtylǵan. Ótken jyly bul eldimekenderde jalpy 5 kóshe jaryqtandyrylyp, 4 sport alańsha salynǵan. Mırasta búginde káriz júesiniń qurylysy júrgizilýde.
Jergilikti turǵyndar qazylǵan joldardy qalpyna keltirý, tas joldarǵa asfalt salý máselesin aıtty.
Qala basshysy 2022-2023 jyldary jańaqurylys aýmaǵynda ınfraqurylym júıeleri aıaqtalýyna oraı, kóshelerdi asfalttaý jumystary júrgiziletinin jetkizdi. Sonymen qosa, árbir eldi mekende kóterilgen problemalyq máselelerdi sheshý boıynsha ákimdikte arnaıy jıyn uıymdastyrylyp, talqylanady jáne sheshý merzimi belgilenedi dedi.
