Bügın Almaty oblysynyŋ äkımı Qanat Bozymbaev pen «AIRBA FF» JŞS Direktorlar keŋesınıŋ töraǧasy, «Tehnodom» kompaniiasynyŋ negızın saluşy Eduard Kim osyndai memorandumǧa qol qoidy.
Aldaǧy taŋda Almaty oblysynda A+ klasty avtomattandyrylǧan, alaŋy 200 myŋ şarşy metr bolatyn Qazaqstandaǧy ırı logistikalyq hab salynady. Sonyŋ nätijesınde oblysqa 200 mln. AQŞ dollary kölemınde investisiia tartylyp, 1,5 myŋ jūmys orny aşylady.
Qol jetkızılgen kelısımge säikes maŋyzdy investisiialyq joba aldaǧy 5 jylda bırneşe kezeŋmen ıske asyrylady. Keşen Ile audanynda ornalaspaq.
Jalpy «AIRBA FF» JŞS — sifrlyq tehnologiialardy toptastyrumen qatar qoima infraqūrylymyn, kurerlık jetkızu qyzmetın, tapsyrysyn klienttıŋ özı baryp alatyn punkt retınde de naqty sektorda jūmys ısteidı. Būl – qoimalau, magistraldy logistika, klientter pen serıktesterge jetkızıp beru ısımen ainalysatyn elımızdegı tūŋǧyş operator.
- Būl - būryn Almaty oblysynda bolmaǧan öte tartymdy ärı maŋyzdy joba. Zamanaui sifrlyq tehnologiialardy qoldanu erekşelıgın eskersek, naǧyz jaŋa däuırge laiyq deuge bolady. Bırınşıden, bızdıŋ agrarlyq saladaǧy şaruaşylyqtarymyzdyŋ öz önımın ötkızuıne jaǧdai jasaidy. Elımızdıŋ agroönerkäsıptık keşenındegı önım kölemınıŋ 28-30%-ın Almaty oblysy öndıretının eskersek, būl - bız üşın ülken mümkındık. - dedı Q.Bozymbaev.
