Osy demalys künderı Almatyda qaiǧyly oqiǧalardyŋ bastalǧanyna 40 kün toldy. Qala tūrǧyndary qaŋtardyŋ qandy aptasyn üreimen eske alady. Resmi mälımetter boiynşa, tärtıpsızdık kezınde barlyǧy 225 adam mäiıthanaǧa jetkızıldı. Onyŋ 19-y-polisiia jäne äskeri qyzmetkerler. 4,5 myŋnan astam azamat zardap şektı. Osy uaqytqa deiın üzılgen taǧdyrlardyŋ jaŋa oqiǧalary kün saiyn paida boluda. Zardap şekkender men qaza tapqandardyŋ tuystary halyqtan kömek sūraidy. Al sol künderı qorlanǧan äielder jaǧdailaryn aityp endı kelıp jatyr. Osylaişa, būryn belgısız bolǧan faktıler naqtylanuda, dep habarlaidy "Adyrna" ūlttyq portaly KTK arnasyna sılteme jasap.
«Aqiqat» qoǧamdyq komissiiasynyŋ qaŋtar aiyndaǧy oqiǧalardy tergeu jönındegı jetekşısı Aiman Omarova äielderdıŋ bırınıŋ sol künı toptyq zorlauǧa tüsıp qalǧanyn aityp berdı.
«Bıraq ol aryz jazǧysy kelmeidı, al men adamdy aryz jazuǧa mäjbürlei almaimyn. Sol künı toptyq zorlau boldy. Olar ony süirep zorlady. Onyŋ şok alǧany sonşalyqty, «Tani alasyŋ ba?» degende, «Bırın ǧana, qalǧandaryn joq» dedı”, – dep mälımdedı Aiman Omarova.Almatydaǧy tärtıpsızdıkter kezınde qaza tapqandardyŋ arasynda oqiǧanyŋ episentrıne kezdeisoq tap bolǧan ondaǧan adam bar. Sodyrlar köşede beibıt tūrǧyndarǧa şabual jasap, jeke kölıkterın aidap ketıp otyrǧan. Al jürgızuşıler men jolauşylar jerge qūlap, aiausyz qatty soqqyǧa jyǧylǧan. Keiın köptegen zardap şekkender auruhanalarda köz jūmdy. Keibır äielder qazır ǧana qūqyq qorǧauşylarǧa zorlau faktılerı turaly endı aityp jatyr. Qoǧamdyq belsendıler men zaŋgerler zardap şekkenderdıŋ otbasylaryna kömektesuge tyrysuda. Olardyŋ barlyǧy derlık psihologtardyŋ qoldauyna mūqtaj deidı. Solardyŋ bırı aǧasyn ızdep Jaŋaözennen Almatyǧa kelgen Meiırgül Qanatpaeva. Qaŋtar aiynyŋ basynda ız-tüssız joǧalǧan tuystaryn ızdep jürgender de kömek sūrap jatyr. Solardyŋ bırı – Meiırgül Qanatpaeva. Bügın Jaŋaözennen Almatyǧa aǧasyn ızdep keldı.
“Men 1993 jyly düniege kelgen aǧam Maqset Qanatpaevty ızdep jürmın. Özım Jaŋaözende tūramyn. Almatyǧa aǧamdy ızdeu üşın arnaiy keldım. Ol 6 qaŋtarda Almatyǧa kelıp, sol künı joǧalyp kettı. Sol sätten bastap onyŋ qaida ekendıgı belgısız. Aǧamdy körgender bolsa, tauyp beruge kömektesıŋızderşı, – deidı Meiırgül Qanatpaeva.
"Adyrna" ūlttyq portaly
