Qaqaǵan qysta balalaryn velosıpedpen tasyǵan ákeniń beınejazbasy barsha qazaqtyń júregin eljiretken edi. Bloger Asylhan Dúkenbaevtyń bastamasymen bul azamatqa kólik alyp berýge qarajat jınala bastady, dep habarlaıdy “Adyrna” ulttyq portaly.
Áleýmettik jelilerde taralǵan beınejazbadan keıin esimin atamaǵan Shymkenttik azamat óz atynan kólik syılaǵysy kelgeni de belgili boldy.
Biraq qyzylordalyq ákeı bul syılyqtan bas tartty.
“Jurt nıet etip, jınaǵan aqshadan bir kólik buıyrtsa jetkilikti”, dedi ózi.
"Shymkenttik bir baýyrymyz kólik syılaımyn dep nıet qylyp jatyr eken. Baýyryma rahmet, Alla razy bolsyn. Sol kólik ózinde qala berse, mingizgendeı kóremin. Kópshiliktiń jınaǵan kómegi aqshasyna túsken kóliktiń yńǵaıy bolsa, sony úı alǵandaı kóremin", - dedi ol.
Kólikten bólek, baspana ápergisi kelgen halyqtyń bul aq adal nıetine qyzylordalyq turǵyn óz raqmetin aıtyp, qazirgi turyp jatqan baspanasynyń tegin ekenin, shúkirlik etetinin jetkizdi.
“Barlyqtaryńyzǵa rahmet. Aǵaıyn, sheshem, baýyrlarym, kelinshegim, ózim bar. Osy úı máselesin tek rahmetpen doǵarý jóninde sheshim qabyldap otyrmyz. Taqyryp kólikten bastalyp edi ǵoı. Jınalǵan qarajatpen bir kólik buıyrtsyn. Osymen jabylsa degen oı bar. Turyp jatqan baspanam, Allaǵa shúkir tegin. Sheshemniń sózi men úshin úlken nárse ǵoı, ol kisiniń sózinen attap kete almaımyn", - dep túsindirdi ol.
“Adyrna” ulttyq portaly
