Maŋǧystau oblysynyŋ äkımı Nūrlan Noǧaev öŋır tūrǧyndaryna ündeu jasady, dep habarlaidy "Adyrna" ūlttyq portaly.
«Qūrmettı maŋǧystaulyqtar! Qaŋtar aiynyŋ basynda Qazaqstan tap bolǧan oqiǧalar elımızdıŋ tūtastyǧy men Täuelsızdıgıne qauıp töndırgen kürdelı kezeŋ boldy. Elge qauıp töngen kezde Memleket basşysy barlyq jauapkerşılıktı öz moinyna alyp, bırqatar naqty şeşım qabyldady. Memleket basşysy jaŋa mındetter qoiyp, Qazaqstannyŋ damu jolynyŋ jaŋa kezeŋın aiqyndady. Bızdıŋ maqsatymyz - bolaşaqta osyndai jalpyūlttyq tragediialarǧa jol bermeu. Al būl üşın «Bır jaǧadan bas, bır jeŋnen qol» şyǧaryp, halyq igılıgı üşın jūmyla jūmystanu asa maŋyzdy. Maŋǧystau - tarihi önerkäsıptık öŋır. Aimaqtaǧy öndırıstık kompaniialardyŋ qyzmetı oblystyŋ damuynda asa maŋyzdy röl atqarady», - dedı öŋır basşysy ündeuınde.Onyŋ atap ötuınşe, bügıngı taŋda öŋırde bırneşe käsıporyn ökılderı jūmys beruşılerdıŋ aldyna türlı sipattaǧy mäselelerdı qoiyp otyr. Onyŋ ışınde eŋbek aqynyŋ ösuıne qatysty sūraqtar da köterılıp otyr. Talap qoiuşylardyŋ arasynda oblys tūrǧyndaryn auyz sumen jäne elektr quatymen qamtamasyz etetın MAEK mekemesınıŋ ökılderı de bar.
«Qazır jūmysşy men jūmys beruşınıŋ arasynda eŋbek arbitrajy bastalady. Oǧan qala äkımı, Energetika ministrlıgınıŋ ökılderı, eŋbek qatynastary jönındegı mamandar, qyzmetkerler, jūmys beruşı jäne qoǧam ökılderı qatysady. Komissiianyŋ mındetı - käsıporynǧa özınıŋ negızgı qyzmetıne oraluǧa mümkındık beretın oŋtaily şeşımdı tabu. Qūrmettı maŋǧystaulyqtar! Halyq pen eldıŋ igılıgı üşın barşaŋyzdy sabyr saqtap, tüsınıstık tanytuǧa şaqyramyn. Memleket basşysy reformalar josparyn jäne olardy ıske asyru jönındegı naqty şaralardy ūsyndy. Bız būl tapsyrmalardy kezeŋ-kezeŋmen jüzege asyrudy bastap kettık. Barlyq qiyndyqtyŋ uaqytşa ekendıgı maǧan da, sızderge de belgılı. Sondyqtan tūraqtylyqty saqtap, konstruktivtı dialogqa, naqty jäne syndarly özgerısterge üles qosuǧa şaqyramyn. Bız bırgemız», - dedı Nūrlan Noǧaev.https://youtu.be/9vZxg_25Wao
"Adyrna" ūlttyq portaly
