Mysaly, Instagram-daǵy osyndaı akkaýnttardyń biri tasmagambetov_official paraqshasyna 45 myńnan astam adam jazylǵan, ekinshisi – imaangali_tasmagambetov – jazylýshylar sany myńnan asady. Facebook-te de onyń atynan paraqshalar ashylǵan.
Imanǵalı Tasmaǵambetov áńgime barysynda Stopfake.kz-ke bul akkaýnttarǵa qatysy baryn joqqa shyǵardy. Ol áleýmettik jelilerde paraqshalary joq ekenin aıtty:
«Qurmetti dostar!
Sońǵy ýaqytta áleýmettik jelide meniń atymnan túrli taqyrypta arandatýshylyq aqparat júktelgen jalǵan akkaýnttar men paraqshalar paıda bolyp jatyr. Sóz joq, bul jeke meniń abyroı-bedelimnen bólek, árbir azamattyń ǵalamtordaǵy qaýipsizdigine tónetin úlken qaterdi kórsetedi. Resmı túrde málimdeımin, meniń áleýmettik jelide eshqandaı paraqsham joq. Barshańyzdan mundaı arandatýǵa qarsy turyp, jalǵan aqparat taratpaýlaryńyzdy suranamyn.
Qurmetpen, Imanǵalı Tasmaǵambetov».
"Adyrna" ulttyq portaly
