Búgin Shymkent qalasynyń ákimi Murat Áıtenov ekonomıka jáne bıýdjettik josparlaý basqarmasynyń esebin tyńdady. Jıynda basqarma basshysy R.Mýlkemanov 2022 jyly atqarylatyn jumystardy baıandady.
Shymkent qalasynda ekonomıkanyń turaqty damýyn jyl saıyn orta eseppen 4-5 paıyzǵa qamtamasyz etý kózdelýde. Osylaısha, jalpy óńirlik ónimdi 2026 jylǵa qaraı 4,1 trln teńgege jetkizý josparlanyp otyr. Bıylǵy jyly jalpy óńirlik ónimdi 3 trln teńgege jetkizý josparlanýda.
Osy jylǵy mejege jetý úshin qalanyń ónerkásip salasynda 2022 jyly jalpy quny 538 mlrd teńgeni quraıtyn 274 ınvestıııalyq jobany júzege asyrý kózdelýde.
Sala jetekshisi sonymen birge bólshek saýda 540 mlrd teńgege, ónerkásip ónimi 856,9 mlrd teńgege, aýyl sharýashylyǵynyń ónim kólemi 44,1 mlrd teńgege jetkizý josparlanyp otyrǵanyn atap ótti.
Qala ákimi Memleket basshysynyń ekonomıkany ártaraptandyrý jáne ımport almastyrý jónindegi tapsyrmasyn oryndaýdyń birden bir sharty – ol óńirde óndiristiń damýyna qolaıly jaǵdaı jasaý jáne ındýstrıaldy aımaqtardy damytý bolyp tabylatynyn aıtty. Bul jumystardy júzege asyrýǵa megapolıstiń múmkinshiligi orasan ekeninde jetkizdi.
Ónerkásip bul ekonomıkanyń lokomotıvi ekenin aıtqan qala basshysy osy baǵytty damytýǵa bólingen qarjynyń tıimdi ıgerlýin baqylaýdy kúsheıtý qajet dedi.
Sonymen birge Murat Áıtenov ózdiginen oryndalyp jatqan ekonomıkalyq kórsetkishterdi jumys nátıjesi retinde usynýdy toqtatý kerektigin qatań eskertip, belgilengen mejemen shektelmeýdi aıtyp, ekonomıkalyq serpiliske qajyrly eńbek kerektigin atap ótti.
Shymkent qalasy ákimdiginiń baspasóz qyzmeti
