Şymkent qalasynda būqaralyq sportty damytu üşın osy jyly 54 sporttyq alaŋşa qūrylysy salynady. Onyŋ 25-ı Abai audanynda, 9-y Äl-Farabi audanynda, 10-ny Eŋbekşı audanynda salynsa, taǧy 10-ny Qaratau audanynda. Būl turaly dene şynyqtyru jäne sport basqarmasynyŋ basşysy B.Tūmanbaev qala äkımı aldyndaǧy eseptı jiynda mälım ettı.
Basqarma basşysynyŋ mälımetınşe, sportpen şūǧyldanuşylar sanyn biylǧy jyly 31,99 %-dan 35,9 paiyzǧa jetkızu közdelude. Ol üşın 14 būqaralyq sporttyq ıs-şaralar ötkızılıp, sporttyq infraqūrylymdy damytu baǧytynda 6 sport nysany paidalanuǧa berıledı jäne jan basyna şaqqandaǧy qarjylandyrudy jetıldıru boiynşa osy jyly 60 sporttyq seksiia aşylady. Bügınde qalada 1899 sporttyq seksiia jūmys jasaidy.
«Dene şynyqtyrumen jäne sportpen ainalysatyn jalpy halyqtyŋ sanyn 2025 jylǧa deiın 50%-ǧa, al ūlttyq sport türlerımen ainalysatyn azamattardyŋ ülesın 2022 jyly 3,8% jetkızu josparlanuda. Būl körsetkışke jetu üşın tiıstı jūmystar atqarylatyn bolady. Sonymen bırge biyl 14-18 jas aralyǧyndaǧy 32 647 jasty, sportpen şūǧyldanuǧa qarsy körsetılımı joq 1810 mümkındıgı şekteulı azamatty sportqa tartu közdelude»,-dedı B.Tūmanbaev.
Eseptı jiynda sala jetekşısı Şymkent qalasy sportşylarynyŋ 2021 jylǧy jetıstıgıne de toqtalyp öttı.
Onyŋ mälımetınşe, Tokio 2020 HHHII jazǧy Olimpiada Oiyndarynda sportşylarymyz karateden 2 qola medaldy el qorjynyna salǧan. Älem chempionatynda jalpy 35 altyn, 26 kümıs, 30 qola medal iemdense, Aziia chempionatynda 45 altyn, 32 kümıs, 22 qola medal alǧan. Qazaqstan Respublikasynyŋ chempionattarynda 525 altyn, 390 kümıs, 466 qola medalǧa qol jetkızgen. Sondai-aq, 2021 jyly är tört jylda bır ret bolatyn Qazaqstan Respublikasynyŋ V Jastar sporttyq oiyndarynda jalpy komandalyq esepte Şymkent qalasynyŋ qūrama komandasy 1004 ūpaimen 2-oryndy jeŋıp alǧan. Halyqaralyq jäne respublikalyq deŋgeidegı sporttyq jarystardyŋ jetıstıkterı boiynşa Şymkent qalasy respublika boiynşa köş basynda tūr.
Şymkent qalasy äkımdıgınıŋ baspasöz qyzmetı
