Shymkentte azamattardy jumyspen qamtý jáne áleýmettik qorǵaý máselesi nazarda

1693
Adyrna.kz Telegram

Bıyl Shymkent qalasynda 24 196 jańa jumys orny ashylady dep josparlanýda. Qalalyq jumyspen qamtý ortalyǵynyń málimetinshe, jańa jumys oryndarynyń 14 myńnan astamy turaqty jáne 10 myńǵa jýyǵy ýaqytsha jumys oryndary bolmaq.
Halyqty jumyspen jáne baspanamen qamtý, áleýmettik qorǵaý máseleleri búgin qala ákiminiń orynbasary Erǵalı Bilisbekovtiń azamattardy onlaın qabyldaýynda qaraldy. Jalpy jumyspen qamtý ortalyǵy jumys berýshiler tarapynan suranysqa saı usynylatyn jumys oryndaryna joldaıdy. Qabyldaýda bolǵan turǵyndardyń keıbiri ózderi qalaǵan jumys túrleri tabylmaı jatatyndyǵyn jetkizdi. Bul oraıda jańadan qurylǵaly otyrǵan jumys oryndary jumyssyzdyq deńgeıin tómendetýge septigin tıgizbek.
Odan bólek, Memleket basshysynyń tapsyrmasyna sáıkes bul jyly 18 myńnan asa jasty jumyspen qamtý sharalaryna tartý josparlanýda.
Qabyldaý barysynda baspanaǵa muqtaj azamattar da ótinishterin jetkizdi. Azamattardyń biri ýaqytsha baspana surasa, endi biri kezeginiń kelmegenine narazy.
Qala ákiminiń orynbasary búginde turǵyn úı kezegine 48 myńnan astam azamat tirkelgenin, memlekettik turǵyn úı qorynda ýaqytsha baspana qarastyrylmaǵanyn, Qazaqstan Respýblıkasy «Turǵyn úı qatynastary týraly» Zańyna sáıkes memlekettik turǵyn úı qorynan turǵyn úı belgilengen tártippen kezek arqyly beriletinin jetkizdi.
Arendalyq turǵyn úıler kópbalaly otbasylarǵa, halyqtyń áleýmettik jaǵynan álsiz toptaryna jáne jumys isteıtin jastarǵa beriledi. Al, bıýdjettik uıym qyzmetkerlerine «Nurly jer» memlekettik turǵyn úı baǵdarlamasy aıasynda jeńildetilgen nesıelik baǵdarlamalary usynylýda.
Kezekte tirkelgen azamattardyń barlyǵy jeńildetilgen ıpotekalyq baǵdarlamalar boıynsha baspanaly bola alady. Qabyldaý barysynda ár turǵynnyń máselesi nazarǵa alynyp, tıisti basqarma basshylaryna birqatar tapsyrmalar berildi. Qala basshysynyń orynbasary óz tarapynan ár azamattyń ótinishin jiti baqylaýyna alǵan.

Shymkent qalasy ákimdiginiń baspasóz qyzmeti

Pikirler