2021 jyly áýe akompanııasy Halyqaralyq áýe kóligi qaýymdastyǵynyń (IATA) IOSA (IATA Operational Safety Audit) aýdıtinen sátti ótti. Áýe kompanııasy bul rásimnen alǵash ret 2007 jyly ótti. IOSA aýdıti áýe tasymaldaýshylarynyń operaııalyq basqarý jáne basqarý júıelerin baǵalaýǵa arnalǵan. IATA talaptaryna sáıkes, osy halyqaralyq uıymǵa múshe barlyq áýe kompanııalar eki jylda bir ret IOSA aýdıtinen ótedi.
IOSA sertıfıkaty áýe kompanııasynyń myńǵa jýyq qaýipsizdik pen sapa talaptaryna saı senimdi tasymaldaýshy retinde tanylýynyń mańyzdy faktory bolyp tabylady.
IOSA aýdıti kompanııa qyzmetiniń uıymdastyrý men basqarýdyń korporatıvtik júıeleri, ushý operaııalary, ushýdy basqarý jáne dıspetcherlik qyzmet kórsetý, áýe kemelerine tehnıkalyq qyzmet kórsetý, borttyq tehnıkalyq qyzmet kórsetý, áýe kemelerin jerde óńdeý, júk operaııalary jáne avıaııalyq qaýipsizdik sııaqty salalaryn qamtydy. Aýdıtterdi IATA akkredıttelgen aýdıtorlyq uıymdar júrgizedi jáne bir uıym áýe kompanııasyna qatarynan eki ret aýdıt júrgize almaıdy.
2021 jyldyń qarasha jáne jeltoqsan aılarynda áýe kompanııasy Nur-Sultandaǵy óziniń tehnıkalyq bazasynda alǵash ret tehnıkalyq qyzmet kórsetýdiń kúrdeli túrin C-check-ti eki A321 ushaǵyna júrgizdi, al bıyl 8 áýe laınerine C-check josparlanǵan. Áýe kompanııasy sonymen qatar Turkish Airlines, Lufthansa, Fly Dubai, Air Arabia, Wizz Air, Asiana Airlines, Qatar Airlines, Lot, Azal, Cargo Lux jáne basqa da áýe kompanııalaryna tehnıkalyq qyzmet kórsetedi.
Air Astana álemdegi eń jas flottardyń birine ıe, onyń ortasha jasy 3,3 jyldy quraıdy. 2021 jyly flot úsh jańa Airbus A321LR laınerimen tolyqty jáne 26 ushaǵy bar.
Fotosýret avtory: Elena Sergıenko
