Shymkentten Sherzod Hashırbaev qysqy olımpıadaǵa qatysady

1631
Adyrna.kz Telegram

On kúnnen soń Beıjińde XXIV qysqy Olımpıada oıyndarynyń jalaýy jelbireıdi. Álemdik jarysta qysqy sporttan ulttyq qurama sapynda Shymkenttiń namysyn qorǵaýǵa Sherzod Hashırbaev attanady. Atalǵan dodada shymkenttik atlet frıstaıl-akrobatıkadan synǵa túsedi. Bul týraly qalalyq dene shynyqtyrý jáne sport basqarmasynyń basshysy Baýyrjan Tumanbaev málimdedi.

– 4-20 aqpan kúnderi Qytaıda ótetin sporttyq dodaǵa qalamyzdan bir sportyshy lıenzııaǵa ıe bolyp otyr. 19 jastaǵy Sherzod Hashırbaev Fınlıandııada ótken álem kýboginde tórtinshi oryndy jeńip, olımpıada joldamasyn aldy. Sherzod bolashaǵynan úmit kúttiretin sportshylarymyzdyń biri. Ol Qazaqstannyń birneshe dúrkin jeńimpazy, álem kýboktarynyń belgili kezeńderinen ótip júldeger atandy.Ssportshymyz Almatyda ulttyq qurama sportshylarymen álemdik dodadaǵa daıyndyq ústinde. Qazir olımpıadaǵa baratyn sportshylarymyz karantınge oqshaýlanyp, daıyndyqtyń sońǵy kezeńinen ótip jatyr. Olar 27 qańtarda Qytaıǵa attanady. Al Pekın qalasynda 10 aqpanda frıstaıldan jarystar bastalady dep josparlanǵan. Sherzod 16 aqpanda óner kórsetedi dep kútilýde. Jas bolsa da, úlken úmit kútemiz, - deıdi Baýyrjan Qalmuhameduly.
Basqarma basshysynyń aıtýynsha, Shymkentte qysqy sport túrleri damyp kele jatyr. Qalada qysqy olımpıada rezervin daıyndaıtyn arnaıy sport mektebi bar. Muz saraıynda ornalasqan mektepte sporttyń tórt túrinen jattyǵý jumystary júrgiziledi. Atap aıtsaq, shaıbaly hokkeı, short-trek, frıstaıl jáne mánerlep syrǵanaýdan atletter daıyndalady.
Beıjińdegi Olımpıada oıyndary 4 aqpan kúni bastalady. Aldyn ala málimetter boıynsha, bul oıyndarǵa álemniń 95 elinen 4 myńnan astam sportshy qatysady. Onda 109 medal jıyntyǵy sarapqa salynady. Al olımpıadalyq komanda quramynda elimizden 34 sportshy óner kórsetedi. Sport túrlerine kelsek, aıtarlyqtaı ózgeris joq 87 lıenzııamyz bar. Osy aptada basqa sport túrleri boıynsha naqtylanady. Lıenzııalardyń basym bóligin shańǵyshylar (35), konkımen júgirýshiler (12) jáne bıatlonshylar (12) jeńip aldy.

Pikirler