Ibýlla Serdi "KazTransGaz" AQ basqarma tóraǵasynyń mindetin atqarýshy bolyp taǵaıyndaldy, dep habarlaıdy "Adyrna" ulttyq portaly.
Dırektorlar keńesiniń 2022 jyldyń 14 qańtaryndaǵy sheshimimen kompanııanyń basqarma quramyna myndaı ózgertýler engizildi:
- basqarma tóraǵasy Qaırat Sháripbaev shyǵaryldy;
- basqarma tóraǵasynyń mindetin atqarýshy bolyp Ibýlla Serdi taǵaıyndaldy.
Qaırat Sháripbaev qańtardyń ortasynda "QazaqGaz" ulttyq kompanııasynyń basqarma tóraǵasy qyzmetinen bosatyldy.
58 jastaǵy Qaırat Sháripbaevtyń aty Qazaqstannyń tuńǵysh prezıdenti Nursultan Nazarbaevtyń úlken qyzy Darıǵa Nazarbaevanyń esimimen jıi qatar atalady. Ol "QazaqGaz" ("QazTransGaz") kompanııasyn 2020 jyldyń qarashasynan bastap basqardy. Oǵan deıin "QazMunaıGaz" UK AQ basqarma tóraǵasynyń gaz tasymaldaý jáne marketıngi jónindegi orynbasary bolǵan.
"Adyrna" ulttyq portaly
