Búgin Qasym-Jomart Toqaev elimizdegi bilim berý salasynyń qaıta qaralatynyn málimdedi.
«Biz jas azamattardy oqýǵa, onyń ishinde Reseıge attandyratyn bolamyz. Bálkim, eń birinshi kezekte Reseıge, tehnıkalyq joǵary oqý oryndaryna jiberý kerek shyǵar»,– dedi Prezıdent.
Osyǵan oraı «Adyrna» tilshisi sońǵy jyldary QS halyqaralyq ýnıversıtetter reıtınginde kósh bastap kelgen tehnıkalyq ýnıversıtetterge sholý jasady.
Massachýsets tehnologııalyq ınstıtýty
QS reıtıngi boıynsha Massachýsets tehnologııalyq ınstıtýty 10 jyl qatarynan álemniń úzdik ýnıversıtetteriniń tiziminde birinshi orynda tur. Dál osy amerıkalyq ýnıversıtettiń túlekteri men oqytýshylarynyń arasynda 97 Nobel syılyǵynyń laýreaty bar. Sonymen qatar, bul oqý orny ǵylymı-zertteý, jańalyqtar men ınnovaııalardaǵy álemdik kóshbasshylardyń biri.
Stenford ýnıversıteti
Tehnıkalyq mamandyqtar boıynsha bilim beretin tanymal taǵy bir amerıkalyq bilim berý orny – Stenford ýnıversıteti. Ol San-Franıskoda ornalasqan. Atalǵan JOO-ny bitirgen túlekter Yahoo!, Google, Electronic Arts sekildi alyp kompanııalardyń negizin qalaýshylar bolyp esepteledi.
Kalıfornııa tehnologııalyq ınstıtýty
Kalıfornııa tehnologııalyq ınstıtýty – naqty ǵylymdar men ınjenerııaǵa mamandandyrylǵan bilim ordasy. Ol NASA-men tyǵyz jumys isteıdi, sondyqtan ınstıtýttyń basym baǵyttarynyń biri – kosmologııa salasyndaǵy zertteýler.
Garvard ýnıversıteti
Garvard ýnıversıteti – Aıvı Lıgasyna kiretin zertteýshi joǵary oqý orny. Onyń túlekteri men oqytýshylary arasynda 161 Nobel syılyǵynyń laýreaty bar. 2021 jylǵy Times Higher Education reıtınginde birinshi orynnan kórindi.
Kembrıdj ýnıversıteti
Kembrıdj – Eýropadaǵy iri ǵylymı ortalyq, ejelgi JOO-lardyń biri. Dál osy ýnıversıtettiń qabyrǵasynda Darvınniń evolıýııa teorııasy, Krık pen Ýotsonnyń DNQ modeli, Nıýton zańdary jáne basqa da kóptegen revolıýııalyq ashý jasaldy. Atalǵan oqý ornynan 15 aǵylshyn premer-mınıstri, álem elderiniń 23 kóshbasshysy, Úndistannyń 3 premer-mınıstri, Danııa patshaıymy II Margreta oqyp shyqqan.
London ımperııalyq kolledji
Oqý ordasy ǵylym, ınjenerlik, medıına jáne bıznes salalaryna erekshe kóńil bóledi. London Imperial College qaýymdastyǵynyń músheleri arasynda Nobel syılyǵynyń 14 laýreaty bar.
Oksford ýnıversıteti
Oksford ýnıversıteti dúnıejúzindegi eń kóne ýnıversıtetteriniń arasynan ekinshi oryndy alady. Búgingi tańda Nobel syılyǵynyń 72 laýreatynyń esimi osy bilim ordasymen baılanysty, al onyń ǵylymı jáne stýdenttik qoǵamdastyǵynyń músheleri álemniń basqa ýnıversıtetterine qaraǵanda kóbirek ǵylymı patent alady.
Kórip otyrǵanymyzdaı, eń úzdik tehnıkalyq ýnıversıtetterdiń basym kópshiligi Ulybrıtanııa men AQSh-ta ornalasqan. TOP-30-dyqqa Italııa, Kanada, Japonııa, Germanııa, Qytaı JOO-lary kiredi. Al reseılik V. Lomonosov atyndaǵy Máskeý memlekettik ýnıversıteti 67-orynǵa taban tiregen.
«Adyrna» ulttyq portaly
