2024 jyldyŋ 12 qaraşasynda Qaraǧandy qalasyndaǧy N. Äbdırov atyndaǧy sport keşenınde “Qaraǧandy oblysynyŋ ūlttyq sport türlerı qauymdastyǧynyŋ” alqa otyrysy öttı. Şaraǧa Qaraǧandy oblysy äkımınıŋ orynbasary Älıbek Äldenei töraǧalyq ettı.
Jiynda ūlttyq sport türlerın damytu boiynşa atqarylǧan jūmystar men aldaǧy josparlar talqylandy. Dauys beru nätijesınde Qaraǧandy oblystyq mäslihatynyŋ töraǧasy Nürken Qobjanov qauymdastyqtyŋ jaŋa prezidentı bolyp sailandy. Atqaruşy direktor lauazymyna Temırhan Abylaev taǧaiyndaldy.
Qauymdastyqtyŋ negızgı baǧyttary:
- Kökpar, bäige, audaryspaq, toǧyzqūmalaq, jamby atu siiaqty 10 ūlttyq sport türın damytu;
- Respublikalyq jäne halyqaralyq jarystar ūiymdastyru;
- Qajettı infraqūrylym qūru jäne ūlttyq sportty nasihattau;
- Jastardy ūlttyq sportqa baulu arqyly patriottyq tärbie beru.
Qauymdastyq aldaǧy uaqytta Qazaqstan ūlttyq sport türlerı qauymdastyǧymen, QR Turizm jäne sport ministrlıgımen jäne Ūlttyq Olimpiada komitetımen bırlesıp jūmys atqarudy josparlap otyr.
Būl bastamalar ūlttyq sport türlerın nasihattau arqyly jas ūrpaqtyŋ ruhani jäne mädeni bailyǧyn arttyruǧa baǧyttalǧan.
