Shymkent qalasynyń ákimi Murat Áıtenov Qarataý aýdany aýmaǵyndaǵy eldi mekenderdi ınfraqurylym júıelerimen qamtý jumystarynyń barysyn tekserdi. Shahar basshysy aldymen «Turan» shaǵynaýdanyndaǵy atqarylǵan jumystardy qadaǵalap, turǵyndarmen kezdesti.
Eldi mekenderdi ınjenerlik jelilermen qamtýdyń Jol kartasy bekitilgen. Qala shaǵynaýdandary men turǵyn alaptarynda aıqyndalǵan ózekti máseleler osy mejege sáıkes kezeń-kezeńimen sheshiletin bolady.
«Turan» shaǵynaýdanynda merdiger «StroyGazCompany» JShS tarapynan 6,6 shaqyrym magıstraldy gaz qubyry tartyldy. 2-shi kezeń boıynsha magıstraldyq júıeler qurylysynyń jobalyq-smetalyq qujattamasy daıyn. Memsaraptama korytyndysy alynyp, 2022 jylǵa memlekettik bıýdjetten qarjy bólingen. 3-shi kezeń boıynsha jalpy «Turan» shaǵynaýdanyn abonetteý boıynsha JSQ daıyndaldy.
Elektr qýatymen qamtamasyz etýde «ABM Bıldıng» JShS tarapynan magıstraldy júıeler qurylysy atqarylýda. Merdiger mekeme magıstraldy jáne ishki oramdyq júıeler qurylysyn bıyl qarasha aıynda aıaqtaýdy josparlaýda. Jalpy 70 myń halyq sapaly gazben qamtylady.
Shaǵynaýdanda 6,88 shaqyrym magıstraldy sýaqqy qurylysy jáne birinshi kezeń boıynsha ishki oramdyq júıelerdiń qurylysy aıaqtalǵan.
Sondaı-aq, ótken jyly jańadan ashylǵan mektepke bir shaqyrym kirme joldar jasalǵan. Bekitilgen is-shara josparyna sáıkes, 2023 jyly 3,4 shaqyrym (6 kóshe), 2024 jyly 4,9 shaqyrym (6 kóshe), 2025 jyly 4,3 shaqyrym (7 kóshe) boıynsha asfalt tóseý jumystary júrgiziledi. Qazirgi ýaqytta eldimeken turǵyndaryna №17 jáne №75 baǵyttaǵy avtobýstar turaqty qyzmet kórsetýde.
Qala ákimi atalǵan jumystardyń barlyǵy turǵyndardyń ıgiligi úshin atqarylyp jatqanyn atap ótti. Eldi mekenderde azamattar úshin laıyqty ómir sapasyn qamtamasyz etý baǵytynda aýqymdy jumystar josparly túrde júzege asyp, eldi mekendegi ózekti máseleler retimen sheshiletindigin aıtty.
Shymkent qalasy ákimdiginiń baspasóz qyzmeti
