Künı keşe Resei Prezidentı V. Putin Ukrainanyŋ DNR, LNR, Zaporoje jäne Herson aimaqtaryn qosyp alǧanyn habarlady. Qoǧamdyq pıkır jetekşısı, jurnalist Oŋǧar Qabden ainalamyzda bolyp jatqan osyndai saiasi qaişylyqtarǧa baǧa berıp, qazırgı Qazaqstan müddesı jaily söz ettı, dep habarlaidy "Adyrna" ūlttyq portaly.
“Herson, Lugansk jäne Donesk, Zaporoje öz taŋdauyn jasady. Būl aimaqtar Reseige qosyludy taŋdap otyr. Bız adamdardyŋ taŋdauyna qūrmetpen qaraimyz jäne qabyldaimyz. Dereu arada Kiev äskeri qimyldy toqtatyp, kelıssözge kelsın. Bız kelıssöz ötkızuge daiynbyz” dedı şımırıkpesten. Men soltüstık körşınıŋ qadamdarynan qorqaiyn dedım. Bırı Ukraina bırı Reseidı jaqtap öz-özımızben qyrylysyp otyrysymyz mynau. Bızge şūǧyl arada ūlttyq ideologiiany tüzu kerek. Ūlt bolyp ūiyspasaq myna referendum bolaşaqta bızdıŋ jerde ötedı, - dep jazdy jurnalist.
Osyndai saiasi būlǧaqtar däuırınde ūlttyq bırlık, ūlttyq müdde men qazaq arasyndaǧy auyzbırşılıktı küşeitu üşın ūlttyq ideoloigiia qajet ekenın eskertken jurnalist qazaqtyŋ basqaruşylyq qūrylymdaryn jetıldırıp, berekelı jūrtqa ainalu jaiyn erekşe atap öttı.
"Bas basyna bi bolǧan öŋkei qiqym, Mınekei būzǧan joq pa eldıŋ siqyn" degen Abaidyŋ sözın qaperde ūstaiyq. Qazırdıŋ özınde Omar Jälel degen biımız bar. Erteŋ Şyǧystyŋ öz biı, Batystyŋ öz biı bolsa. Sosyn, han sailap alsaq. Memlekettık qūrylym qaida qalady? Atyrau men Altai arasyn jailaǧan qalyŋ qazaqty bır maqsatqa, bır müddege jūmyldyryp, berekenıŋ bairaǧyn jelbıretken berekelı jūrt boluymyz kerek. Altybaqan alauyzdyǧymyzdy kım paidalanbady? Sausaqtyŋ özı bırıkse ǧana jūdyryq bolady", - dedı avtor.
Jurnalistıŋ oimaqtai oiyna: "Ne de bolsa Reseidıŋ asyǧy tügendelıp kele jatyrǧan siiaqty. Būl agressorlyq saiasat arty jaqsylyqqa aparmaidy. Degenmen bärıne daiyn boluymyz kerek siiaqty. Özımızdıŋ auyzymyz bır boluy kerek. Ony ädemılep ūiystyratyn bır basşy kerek", "Ūlttyq ideologiia deisıŋ-au. Soltüstık pen Ortalyq aimaqtar tügel orystanyp boldy. Äkımderı tanauynyŋ astyndaǧyn körmeidı" dep pıkır bıldırdı oqyrmandar.
Ūqsas jaŋalyqtar
